Home dezenvolvimentu FRETILIN Konsidera LAP Kontra Konstituisaun

FRETILIN Konsidera LAP Kontra Konstituisaun

199
0
SHARE
Militante FRETILIN ne'ebe partisipa iha kampaina ne'ebe halo iha kapital Gleno. Photo: TTN/Hortencio Sanches

By: Hortencio SANCHES

THETIMOR-NEWS.com, DILI – FRETILIN liu hosi bankada ne’ebe ezisti iha uma fukun Parlamentu Nasional (PN) konsidera Lei Atividade Petrolifera (LAP) kontra konstituisaun no fo ameasa ba transparensia iha industria estrativa no setor petroliferu.

Tanba ne’e ohin, 10 Janeiru 2019, Bankada FRETILIN deside la partisipa iha sesaun plenária estraordinária Parlamentu Nasional nian ne’ebé ajenda atu halo konfirmasaun ba Alterasaun Lei Nº 13/2005 kona ba Atividade Petrolífera.

Iha loron 15 Novembru 2018, Bankada FRETILIN foti pozisaun vota kontra proposta alterasaun ba Lei No. 13/2005 tanba viola Konstituisaun da Repúblika Demokrátika de Timor-Leste nian, no mós Lei Internasionál kona ba Tratadu Internasionál sira, tanba bainhira Tratadu Fronteira Marítima ne’e Timor-Leste ho Australia seidauk ratifika, tratadu ida ne’e seidauk vincula.

“Alterasaun lei ida ne’e mós fó ameasa ba transparénsia iha indústria estrativa no setór petrolífera. Bankada FRETILIN nia preokupasaun ho proposta alterasaun ne’e estende mós ba risku ne’ebé bele korrompe ho ita-nia úniku fundu soberanu, Fundu Minarai,” dehan Vise Prezidente Bankada FRETILIN Francisco Branco liu hosi Komumikadu Imprensa ne’ebe THETIMOR-NEWS assesu.

Bankada FRETILIN mós hakarak anota aprezentasaun ne’ebé Xefe Negosiadór, Sr. Xanana Gusmão halo iha dia 8 janeiru hanesan aktu de fé ida, ne’ebé la aprezenta faktu sira atu konvense reprezentante sira. Aktu ida ne’e fó liu tan razaun ba ami atu fó razaun ba S.E. Prezidente da Repúblika nia veto ba proposta alterasaun ba lei ida ne’e.

Ho hanoin sira ne’e Bankada FRETILIN foti desizaun atu la partisipa iha sesaun ba konfirmasaun Alterasaun Lei refere hodi prienxe quorum tuir ejijénsia husi artigu 88, alínea 3 Konstituisaun RDTL.

FRETILIN metin nafatin iha prisínsipiu atu asegura futuru ba nasaun ida ne’e, atu asegura Estadu RDTL kontinua ho poupansa nato’on iha Fundu Minarai hodi mantén investimentu iha setór produtivu sira.

Bankada FRETILIN determinadu atu defende nafatin interese Povu no Nasaun nian, no firme iha ninia konviksaun atu proteje osan Povu nian hodi benefisia, la’ós de’it jerasaun ida ne’e, maibé jerasaun sira sei tuir mai.

Editóra: Agida DOS SANTOS I COPPYRIGHT THETIMORNEWS © 2018

LEAVE A REPLY

Please enter your comment!
Please enter your name here