Home dezenvolvimentu KI Konsidera GMN TV Viola Kódigu Étika Jornalismu

KI Konsidera GMN TV Viola Kódigu Étika Jornalismu

92
0
SHARE

By: Hortencio SANCHES

THETIMOR-NEWS.com, DILI – Konsellu Imprensa (KI) hanesan mahon hodi tau matan ba Mídia hotu no halo kontrola ba servisu Jornalismu no orgaun komunikasaun sosial tuir lei ne’ebe ne’ebe iha. Tanba ne’e, durante observasaun KI nian, GMN TV lao diak maibe iha parte balun viola Kodegu Étika Jornalismu.

KI Konsidera mídia refere viola Kódegu Étika Jornalismu nian relasiona ho Grande intervista ne’ebe GMN TV halo ho Xefi Negosiador Prinsipal Fronteira Maritima Kay Rala Xanana Gusmao ne’ebe la tuir tempu no la kontrola oras ne’ebe determina.

“Iha 14 Dezembru Konsellu Imprensa halo monitorizasaun no analiza ba GMN TV ninian programa Grande Intervista edisaun kalan ho assuntu Prezidente Republika nia vetu ba Proposta Alterasaun Lei Atividade Petrolifera, tuir KI programa ne’e diak tanba tranzmiti informasaun kona ba assuntu interese nasional relasiona ho atividade petroliferu, nune’e KI konsidera ida ne’e nudar parte ida husi papel midia nian hodi hakonu publiku nia direitu atu assesu ba informasaun, tanba informasaun hanesan direitu baziku ema nian, iha parte seluk programa ne’e la lao tuir prinsipiu cover both sides no viola kodigu etika Jornalismu, potu 6 tanba la balansu iha fonte no antes ne’e assuntu alterasaun lei atividade petrolifera sai ona polemika no kontroversu (pros and cons) iha publiku,” deha Membru KI Hugo Fernandes liu hosi Konferensia Imprensa ne’ebe halo iha edifisiu KI Kintal Bo’ot Dili, Sesta (28/12/2018).

Programa ne’e aprezenta fonte uniku Kay Rala Xanana Gusmao no KI hare programa refere la hanesan programa baibain tanba redasaun GMN TV troka programa ne’e nia troka programa ne’e nia naran  sai Grande Intervista espesial ho durasaun ba programa ne’e naruk liu.

Tuir KI, baibain programa Grande intervista ho durasaun oras ida la liu hosi oras rua hanesan programna ne’ebe GMN TV halo ho Xefi Gegosiador Prinsipal ne’ebe kuaje oras rua nia laran.

“Programa Grande intervista tuir orariu normal, transmit iha Segunda no Kinta kalan oras 20:30 maibe programa ne’e mosu fali iha Sesta kalan maski iha loron ida antes anunsiu katak GMN TV sei transmit programa grande intervista ho bainaka principal Kay Rala Xanana Gusmao,” dehan Hugo.

Nia hatutan, KI hetan mos informasaun etika seluk ne’ebe GMNTV viola Kodigu Etika jornalismu pontu 5 tanba halo julgamentu ba Prezidente Republika liu hosi aprezentasaun ne’ebe Xefi Estadu halo iha nia diskursu bainhira vetu proposta alterasaun lei pretroliferu nian nudsar referensia ba fonte hodi responde.

“Moderador programa grande intervista Expedito Diaz Ximenes durante transmisaun direita intensionalmente husik fonte ataka Prezidente Republika ho livre no at liu tan mak moderador mos hasara komentariu fonte nian hanesan lia fuan hirak ne’ebe fonte hato’o mak ‘hau konvida nia karik prezidente la ba tanba CCF la fo lisensa, hau admira tanba Dr. lei ida mak halo konfuzauin ba nia an rasik, hau nia problema mak ne’e Dr. lei kria fali konfuzaun ba nia an rasik, iha parte reframe fonte hatete, keta prezidente mak konfuzaun karik, ‘entaun moderador hasara entaun konfuzaun ne’e iha Prezidente laos iha lei,” dehan Hugop.

Entretante, observasaun KI nian hare mos durante iha oras 2 nia laran halo transimasun direita ne’e moderador la korta bainhira fonte livre los hodi ataka Prtezidente Republika Francisco Guterres Lu-Olo.

Tanba ne’e, KI konsidera programa refere la tane as prinsipiu jornalismu ou etika jornalimsmu ne’ebe eziste. Programa ne’e la ba;ansu tanba liu tiha semana ida resin ona GMN seidauk haruka kart aba Prezidente Republika hodi hato’o nia prespetiva no resposta b alia fuan hirak ne’ebe Xefi Negosiador deklara.

“Bazeia ba analize, KI hanesan orgaun regulador ba meius komunikasaun sosial iha Timor – Leste tuir artigu 44 alinia I lei komunikasaun sosial Nu: 05/2014 ne’ebe fo kompetensia ba KI hodi fo nia suspervizaun orgaun komunikasaun sosial no servisu Jornalistiku iha Timor – Leste.

Bazeia ba kompetensia ne’ebe lei komunikasaun emediata mak KI hatete afirma, “ Husu ba redasaun GMNT TV  fo biban espasu ba Prezidente Republika atu hato’o nia prespetiva no resposta relasiona relasiona ho Xefi Negosiador Prinsipal hato’o hanesan akuzasaun iha programa Grande intervista, midia laos hanesan juiz iha tribunal rekursu atu halo julgamentu orgaun estadu seluk relasiona diverjensia kona ba politika assuntu nasional, jornalista nia dever mak atu hatudu faktu no laos hasara fali fonte nia lia fuan, husu xefi redasaun GMN atu tau atensaun didiak ba prinsipiu jornalismu nian kona ba tratamentu justu ba fonte sira (free and fair treatment of sources) “trial by the press” hodi fo espasu mos ba fonte seluk atu fo nia resposta kona ba assuntu hirak ne’ebe kontraversu, nune’e husu ba GMN atu kaer metin nafatin kodigu etika jornalistika no prinsipiu universal jornalistika tanba ida ne’e nudar dalan diak liu atu ajuda hases GMN hosi risku legal no ameasa sira iha future”.

Enkuantu notisia refere fo sai THETIMOR-NEWS seidauk halo konfirmasaun ho Xefi Redasaun GMN TV.

Editóra: Agida DOS SANTOS I COPPYRIGHT THETIMORNEWS © 2018

LEAVE A REPLY

Please enter your comment!
Please enter your name here