Home dezenvolvimentu
52
0
SHARE
Komandante Jeral Julio da Costa Hornay. Photo: TTN/Hortencio Sanches

Situasaun Timor – Leate Lao Hakmatek

By: Hortencio SANCHES

THETIMOR-NEWS.com, DILI Komandante Polisia Nasional Timor – Leate (PNTL) Komisariu Julio Hornay informa situasaun jeral iha Timor – Leste durante selebra Natal lao hakmatek no kontroladu.

Komisariu ne’e dehan, bainhira situasaun lao diak presiza komunidade hotu nia konsiensia atu labele provoka malu liu-liu joven sira.

“Situasaun jeral lao diak, maski iha akontesimentu balu maibe ita nia Polisia halo atuasaun kedan,” dehan Komisariu Julio ba Jornalista jafoin remata sorumutu ho Prezidente Republika (PR) Francisco Guterres Lu-Olo iha Palacio Prezidensial Bairu-Pite, Kinta (27/12/2018).

Nia hatutan, problema ne’ebe durante Natal Joven sira halo PNTL haruka ona ba prosesu investigasaun Kriminal nune’e bele halo prosesu ba oin.

Nune’e nia garante ba oin selebrasaun Tinan foun troka malu ho tinan tuan sei lao iha ambiente ne’ebe diak tanba PNTL prontu 24 oras halo patrollia.

Enkuantu, nia husu ba Joven hotu atu labele provoka malu iha selwbrasaun tinan foun nune’e bele kontribui ba paz no estabilidade.

Alende ne’e, relasiona ho konfrontu ne’ebe Joven sira halo iha Comoro hodi rezulta joven ida mate agora suspeitu sira detein ona iha sela PNTL hodi hakat ba prosesu investigasaun.

Editóra: Agida DOS SANTOS I COPPYRIGHT THETIMORNEWS © 2018

LEAVE A REPLY

Please enter your comment!
Please enter your name here