Home dezenvolvimentu Governu Mantein Pozisaun Dezenvolve GSR

Governu Mantein Pozisaun Dezenvolve GSR

144
0
SHARE
Prezidente PLP, Taur Matan Ruak. Photo: Spesial

By: Hortencio SANCHES

THETIMOR-NEWS.com, DILI – Governu liu hosi Primeiru Ministru Taur Matan Ruak deklara nia parte mantein pozisaun hodi dezenvolve Greater Sun Rise (GSR) no dada kadoras mai Timor – Leste hodi bele haforsa ekonomia nasaun liu hosi fundu petroliferu.

Maske oras ne’e daudaun sidadaun barak duvida kona ba prosesu lori GSR mai Timor – Leste maibe Governu kontinua mantein pozisaun hodi investe osan ne’ebe bo’ot hodi sosa asaun.

Primeiru Ministru Taur Matan Ruak iha debate Proposta Orsamentu Jeral 2018 ne’ebe halo iha Parlamentu Nasional. Photo: Media/GPM

“Ba hau urjente mak Greater Sun Rise tenke dezenvolve,” dehan Taur iha diskusaun Orsamentu Jeral Estadu (OJE) 2019 iha parte jeneralidade hodi hatan ba preokupasaun hosi deputadu sira, iha Parlamentu Nasional, Segunda (10/12/2018).

Xefi Governu ne’e esplika tenke dezenvolve para antes fundu ne’e remata hodi sustenta setor hirak ne’ebe deputadu sira koalia kona ba Agrikultura, Turismu no seluk tan.

“Setor hirak ne’e da-huluk liga ho mentalidade, ita nia sosiedade ne’ebe luta ba sobrevivensia no laos ba produsaun, hau vizita suku barak, hau koalia mak ita agora iha luta ne’ebe foun mak ba ita hotu nia moris diak, entaun luta foun ida ne’e bainhira ita hetan susesu bainhira servisu makas mais se hanesan ne’e beibeik jerasaun tuir mai sei koalia ita,” dehan Taur.

Nia dehan, baihira la investe iha GSR rezultadu sei la lori mak hanesan agrikultura, saude, edukasaun, infrastrutura no seluk tan.

Baihira koalia GSR hare pratika buat rua mak importante mak hanesan rekursu petroliferu daruak mak halai ba infrastruturas.

“Investimentu importante mos ka setor sira hanesan, Agrikultura edukasaun saude hau mos defende ida ne’e, mais atu halo mudansa ida ne’e, fulan 5 deit bele halo mudansa,bainhira hau le iha jornada orsamentu kestiona mos ba Ministra Finansas tanba saida mak ita tau prioridade ba area agriukultura mak bo’ot lae ba fali tasi mane infrastrutura mak barak liu hau mos kestiona ida ne’e,” dehan Taur.

Editóra: Agida DOS SANTOS I COPPYRIGHT THETIMORNEWS © 2018

LEAVE A REPLY

Please enter your comment!
Please enter your name here