Home dezenvolvimentu Governu Aprova Estebelesimentu Lina Ministerial

Governu Aprova Estebelesimentu Lina Ministerial

42
0
SHARE
Ministru Reforma Lejilativa no Asuntu Parlamentar. Fidelis Magalhaes. Photo: Spesial

By: Hortencio SANCHES

THETIMOR-NEWS.com, DILI – Governu liu hosi sorumutu Konsellu Ministru desidi no aprova estabelesimentu lina ministerial ida ne’ebe lidera hosi Primeiru Ministru Taur Matan Ruak.

Ministru Reforma Lejislativa no Assuntu Parlamentar (MRLAR) Fidelis Magalhaes hatete, objetivu hosi estabelesimentu lina ministerial ne’e atu hare liu ba protesaun sivil hanesan dezastre naturais hirak ne’ebe akontese.

“Ita hotu hatene katak foin lalais ne’e dezastre naturais akontese liu-liu iha parte leste, tanba ne’e Governu hanesan parte ezekutivu tenke iha mekanismu diak liu hodi responde ho lalais liu bainhira dezastre mosu,” dehan Fidelis ba Jornalista iha Palacio do Governo, Segunda (14/01/2019).

Estabelesimentu ne’e involve hosi Ministeriu lubuk ida ne’ebe servisu besik mos ba protesaun Sivil.

Ministeriu hirak ne’e mak, Interior, Finansas, Obras Publikas ne’ebe kaer ba IGE, MSS inklui mos servisu nasional intelijensia diresaun ba jestaun krize no gabinete Primeiru Ministru rasik.

“Durante ne’e, kuandu iha dezastre Governu sempre fo apoiu maibe tenke hadia lai mekanizmu sira ho diak, hanesan dezastre ida mosu ita labele han semana ida tomak mak foin responde, maibe ita tenke iha ezekutivu ne’ebe urjensia hodi responde,” dehan Fidelis.

Entretantu, fo hanoin fali iha fulan hira ba kotuk, Munisipiu tolu iha parte leste sofre makas ba dezastre naturais ne’ebe estraga komunidade nia uma barak.

Editóra: Agida DOS SANTOS I COPPYRIGHT THETIMORNEWS © 2018

LEAVE A REPLY

Please enter your comment!
Please enter your name here