Home dezenvolvimentu Governu Sei Uza Orsamentu Duodesimu

Governu Sei Uza Orsamentu Duodesimu

78
0
SHARE
Vise Ministra Finansas, Sara Lobo. Photo: Media/MOP

By: Hortencio SANCHES

THETIMOR-NEWS.com, DILI – Vise Ministra Finansas no Ministra interina Sara Brites informa, posibilidade hahu filan Janeiru ba oin Governu sei uza orsamentu duadesimu nune’e bel’ funsiona makina estadu.

Nia dehan, razaun hosi orsamentu duadesimu tanba oras ne’e daudaun Orsamentu Jeral Estadu (OJE) 2019 sei iha hela Prezidente Reublika nia liman hodi halo analiza.

Tanba ne’e, nia parte koalia ona ho Primeiru Ministru (PM) Taur Matan Ruak oinsa atu deside hamutuk atu ezekuta orsamentu refere.

“Ohin hau inkontru ona ho Primeiru Ministru maibe aban foin maka bele desidi, tanba agora ita iha Janeiru nia laran ona entaun presiza salariu ho buat sira ne’e hotu,” dehan Sara ba Jornalista iha Parlamentu Nasional (PN), Tersa (08/01/2019).

Orsamentu ne’ebe Governu sei utiliza hamutuk milaun $ 296 no total saldo sufisiente hodi selu salariu funsionariu tanba bazeia ba esperiensia duodesimu iha tinan kotuk kada fulan gasta milaun $ 70.

Enkuantu halo redasaun ikus PN inkamina ona OJE 2019 ba kedan Prezidente Republika iha loron 24 Dezembru liu ba kotuk.

Tuir artigu 88 lei inan RDTL kona ba kompetensia Prezidente Republika promulga ou veta iha alinia ida hatete, prazu hosi loron 30 nia laran hahu hosi simu diploma ida hosi PN atu promulga hanesan lei Xefi Estadu bele promulga en uza direiutu veta nian hodi husu apresiasaun ho lia tatoli ne’e ho fundamentu.

Editóra: Agida DOS SANTOS I COPPYRIGHT THETIMORNEWS © 2018

LEAVE A REPLY

Please enter your comment!
Please enter your name here