Home dezenvolvimentu FRETILIN Konsidera Diskursu Xefi Governu Ses Hosi PEDN

FRETILIN Konsidera Diskursu Xefi Governu Ses Hosi PEDN

167
0
SHARE
Militante FRETILIN ne'ebe partisipa iha kampaina. Photo: TTN/Hortencio Sanches

By: Hortencio SANCHES

THETIMOR-NEWS.com, DILI – Bankada Opozisaun iha Parlamentu Nasional (PN) FRETILIN liu hosi Xefi Bankada Aniceto Guterres hatete, Diskursu furak hirak ne’ebe durante Primeiru Ministru Taur Matan Ruak deklara iha aprezentasaun Programa no debate Orsamentu Jeral Estadu ses dok los hosi Programa ne’ebe trasa ona iha Planu Estratejiku Dezenvolvimentu Nasional (PEDN) 2011-2030.

“Politika fiscal hosi estrutura orsamentu ne’enbe Primeiru Ministru aprezenta mai ne’e la refleta ou la koresponde ho saida mak nia koalia, la konsistenti ka ses dok ona hosi Planu Estratejiku Dezenvolvimentu Nasional kona ba estrateziku dezenvolvimentu Ekonomika kontraditoria mosh o programa VIII Governu nian,” dehan Anicetu iha nia intervensaun hafoin tama ba diskusaun Orsamentu Jeral Estadu (OJE) 2019 iha faze daruak jeneralidade, Segunda (10/12/2018).

Eis Prezidente Parlamentu ne’e afirma, OJE 2019 nafatin hatur iha politika makro ekonomika ne’ebe durante tinan 10 resin ona hatudu prova momos katak laiha adekuadu hodi kombate probreza no garante moris diak ba povu.

“Politika makro ekonomika no fiscal ne’ebe ohin loron sai baze ne’e domina ho Petrolia mania, politika sira ne’ebe kria mentalidade dependensial no inprodutividade, ita trasa ona estratezia dezenvolvimentu nasional impartikular dezenvolvimentu ekonomiku iha Planu Estratejiku ne’ebe hetan ona aprovasaun hosi Parlamentu Nasional,” dehan Aniceto.

Nia haktuir, hosi 2011 to 2012 Governasaun ne’ebe lidera hosi Primeiru Ministru Kay Rala Xanana Gusmao lansa kedan projetu tasi mane. Tanba ne’e hosi ne’e kedan Governu tau atensaun liu ba infrastrutura nivel mundial ho politika refere mak povu tomak kuda ona iha kakutak hosi ne’eba mak hetan rikeza no moris diak.

Lider FRETILIN ne’e akresenta, bainhira koalia dezenvolvimentu ekonomiku importante tenke klaru no difini ideia ne’ebe hodi haforsa ekonomia nasaun.

“Setror agrikultura no turismu mak sai hanesan baze ba ita nia ekonomia, nune’e ita mos tenke konsidera saida mak sai fator importante ba ita nia ekonomia, hare ba Timor – Leste lokaliza iha reziaun iha mundu tenke compete ho reziaun hotu, ita dehan ita nia kresimentu ekonomia as liu iha reziaun ne’e, hanoin ida ne’e deit la to’o, afinal importante liu mak saida ita produz no ita exporta no saida mak kontribui makas liu ba ita nia produtu internu brutu,” dehan Aniceto.

Tuir nia bainhira Governu domina deit politika petroliu iha Governasaun mak loron ida Timor – Leste sei la hetan buat ruma hodi garantia ba nasaun bainhira mina rai maran.

Editóra: Agida DOS SANTOS I COPPYRIGHT THETIMORNEWS © 2018

LEAVE A REPLY

Please enter your comment!
Please enter your name here