Home dezenvolvimentu VIII Governu Sei Hari Administrasaun Ne’ebé Modernu

VIII Governu Sei Hari Administrasaun Ne’ebé Modernu

58
0
SHARE
Primeiru Ministru Taur Matan Ruak iha Diskusaun Proposta Lei Orsamentu Jeral Estadu 2018. Photo: Media/GPM

By: Hortencio SANCHES

THETIMOR-NEWS.com, DILI – Governu liu hosi Primeiru Ministru (PM) Taur Matan Ruak hatete, Governu ne’ebe nia lidera hatene atu ho forma diak mak sei hari administrasaun Públika ida ne’ebé modernu efisiente no efikas no inklui dezenvolvimentu no implementasaun hosi estrutura monitorizasaun no avaliasaun nian iha lina governativa nian hotu-hotu atu bele vikula estrutura no husi programa ba meta no objetivu sira hosi Planu Eatratéjiku Dezenvolvimentu Nasional (PDN) 2011-2030.

Lia hirak ne’e Xefi Governu hato’o liu hosi diskursu iha loron da-huluk debate Orsamentu Jeras Estadu 2019 iha uma fukun Parlamentu Nasional (PN), Sesta (06/12/2018).

“Iha sentidu ne’e, iha tinan 2019, ita sei halo monitorizasaun ba servisu Governu nian ne’ebé inklui ona iha Planu Asaun Anuál nian, bazeia ba Sistema Informátiku ne’ebé bazeia ba Internet, hanaran “Dalan Ba Futuru Timor-Leste” ne’ebé uza ona iha Administrasaun Públika, no ida ne’e sei lori ita, tuir nia tempu, ba Sistema Planeamentu, Monitorizasaun no Avalisaun nian ida iha área públika, ne’ebé sei adota formalmente,” dehan Taur.

Ho ideia sira konaba pólitika públika ne’e, sei ba debate hamutuk Orsamentu, atu hanoin no tetu oinsa kria akordu sira hodi presiza ba aprovasaun.

“Nune’e, hodi Governu Konstitusionál nia naran, ami hato’o ho haraik-an hodi husu ba Parlamentu Nasionál atu aprova Projetu Proposta Lei Orsamentu Jerál Estadu nian ba Tinan 2019,” dehan ema numeru ida iha Governu ne’e.

Montante totál $1.827 (dolár amerikanu biliaun ida no millaun atus ualu nulu no rua nulu resin hitu) atu selu despeza sira husi órgaun, departamentu no instituisaun hotu-hotu Estadu nian.

$87,0 (dolár amerikanu milhaun ualu nulu resin hitu) ba projetu ne’ebé finansia husi empréstimu.

$162,6 (dolár amerikanu milhaun atus ida neen nulu resin rua no rihun atus neen) ne’ebé maka mai husi Parseiru Dezenvolvimentu, katak, mai husi Ajuda Públika ba Dezenvolvimentu.

“Ami to’o ba nivel esforsu orsamentál ba nasaun nian ida ne’e, hafoin prosesu ida ne’ebé partisipativu tebes no rona husi órgaun, departamentu no instituisaun públika hotu-hotu, no reprezentante sira husi organizasaun sosiedade sivíl nian, no inklui mós ho preokupasaun sira husi setór privadu,” dehan Nia.

Editóra: Agida DOS SANTOS I COPPYRIGHT THETIMORNEWS © 2018

LEAVE A REPLY

Please enter your comment!
Please enter your name here