Home dezenvolvimentu Jose da Costa Lidera Tatoli,IP

Jose da Costa Lidera Tatoli,IP

484
0
SHARE
Prrezidente Nomeadu Ajensia Notisioza Timor - Leste Tatoli, IP Jose da Costa. Photo: Spesial

By: Hortencio SANCHES

THETIMOR-NEWS.com, DILI – Governu liu hosi Reuniaun Konsellu Ministru (KM) desidi hodi nomeia Jose da Costa sai hanesan Prezidente Konsellu Diretivu Ajensia Notisioza Timor – Leste Tatoli Institutu Publiku (IP), durante mandate tinan hat.

Tatoli mosu ho imbriaun iha Sekretariu Estadu Komunikasaun Sosial (SEKOMS) nia okos durante tinan rua ona maibe seidauk iha estrutura rasik hodi ezekuta no jere orsamentu ne’ebe Governu aloka iha tinan 2018 ho montante rihun tolunulu.

“Ohin Konsellu Ministru nomeia ona Jose da Costa mak sai hanesan Preziudente Nasional ba Ajensia Tatoli,” dehan Ministru Prezidensia Konsellu Ministru Agio Pereira ba Jornalista iha Palacio do Governo, Kuarta (05/12/2018).

Jose da Costa  hetan ona konfiansa hosi Governu no hein deit tempu besik publika iha Jornal da Republika hodi toma posse no hili tan vise rua ida kona ba konteudu programa no ida seluk kona ba jestaun administrasaun finansa atu nune’e bele apoiu Prezidente.

Iha sorin seluk Ministru Reforma Lejislatura no Assuntu Parlamentar Fidelis Magalhaes fiar Jose da Costa iha duni kapasidade hodi lidera Tatoli durante tinan hat.

“Hau fiar katak ema ne’e kandidatu ida ne’ebe serve ba pozisaun ida ne’e,” dehan Fidelis.

Antes nomeadu ba Prezidente Tatoli Jose da Costa iha esperiensia servisu iha ajensia internasional World Vision durante tinan sanulu resin ida (11).

Editóra: Agida DOS SANTOS I COPPYRIGHT THETIMORNEWS © 2018

LEAVE A REPLY

Please enter your comment!
Please enter your name here