Home dezenvolvimentu Governu Esforsu Atinji Objetivu PDN no ODS 2030

Governu Esforsu Atinji Objetivu PDN no ODS 2030

75
0
SHARE
Vise Ministra Saude, Elia Amaral

By: Hortencio SANCHES

THETIMOPR-NEWS.com, DILI – Vise Ministra Saude ba Kuidadus Saude Primaria no Ministra Saude em Exersisiu Dra. Elia Amaral hatete, VIII Governu kompromete no esforsu para bele kontribui no atinji objetivu Planu Dezenvolvimentu Nasional (PDN) ho objetivu Dejenvolvimentu Sustentavel (ODS) ne’ebe Governu adopta ona liu hosi rezolusaun Governu No. 34/2015 de Setembru.

Governante ne’e afirma, ODS numeru 6 koalia kona ba be’e mos no saneamentu ho objetivu atu hamenus dez-igualdade iha nasaun ne’e.

“Governu sei kontinua halo esforsu para la husik ema ida ou sidadaun ida hela iha kotuk “Leaving no One Behind” bele garante future ida diak laos deit ba ita Timoroan maibe kontribui mos ba hadia moris iha nivel Global,” dehan Dra. Elia ba THETIMOR-NEWS iha nia knar fatin Palacio das Sinzas Caicoli, Tersa (04/12/2018).

Vise Ministra ne’e esplika, bainhira komunidade sira assesu ba be’e mos no saneamentu ne’ebe diak, signifika sei kontribui mos ba hadia ODS seluk inklui saude publika, edukasaun, kondisaun sosiu ekonomiku, igualdade no inkluzaun ba jeneru hanesan.

Tuir nia, kondisaun saneamentu ne’ebe baziku diak sei kontribui hamenus problema saude sira ne’ebe mosu hanesan, diareia, denge, malaria no seluk tan ne’ebe tipikamente assosiada ho zona kontaminadu ho foer. Entretantu, nudar ema hotu hatene dez-igualdade assesu ba dezenvolvimentu bele fo impaktu negative oi-oin iha vida mosris komunidade liu-liu dezenvolvimentu sosiu ekonomiku. Tanba ne’e komunidade mundial iha 25 Setembru 2015 halo ona deklarasaun hodi la asseita kondisaun mukit iha nasaun hotu hodi kria diferensa bo’ot entre nasaun dezenvolvida no nasaun hirak ne’ebe foin hahu dezenvolvimentu.

“Atu konbate dez-igualdade iha assesu dezenvolvimentu hirak ne’e, komunidade internasional hamosu Objetivu Dezenvolvimentu Sustentavel (ODS ) 2030, ne’ebe involve topiku oi-oin, inklui halakon kiiak, in-seguransa ba aihan, hadia saude, edukasaun, igualdade ba jeneru, hamenus dez-igualdade, hadia assesu ba enerjia, be’e mos no saneamentu, kria padraun sustentavel ba padraun ba produsaun konsumu, mudansa klimatiku, sidade ne’ebe sustentavel, protesaun no uzu sustentavel hosi oseanu no eko sistema rai, kresimentu ekonomiku, inkluzivu infraestrutura no industrializasaun, Governasaun diak no respetivu ba meus hosi implementasaun,” dehan Dra. Elia.

Enkuantu iha parte seluk, lider foin sae ne’e esklarese, tuir sensus 2015 Populasaun Timor – Leste assesu ba be’e mos 78,5% no kobertura be’e mos urbana 85%, area hamutuk 34% assesu pipa be’e mos ba uma kain komunidade, torneira ba publiku 45%, saneamentu nasional 57%, urbana 81% ho rural 38%.

Editóra: Agida DOS SANTOS I COPPYRIGHT THETIMORNEWS © 2018

LEAVE A REPLY

Please enter your comment!
Please enter your name here