Home edukasaun Pasiensia Esforsu Mak Xave ba Susesu

Pasiensia Esforsu Mak Xave ba Susesu

268
0
SHARE
Virna do Carmo Martinho da Costa Lopes. Photo: Spesial

By: Hortencio SANCHES

THETIMOR-NEWS.com, DILI – Susar atu hetan baut ne’ebe fasil bainhira liu deit hosi mehi maibe la esforsu no pasiensia hodi simu konsekuensia tomak ne’ebe akontese iha prosesu nia laran hodi alkansa objetivu naroman hodi haforsa moris diak ba loroloron nian.

Tanba ne’e, laiha dalan seluk hodi hetan future ne’ebe diak no naroman, maibe so dalan mak hakraik an pasiensia no esforsu foin hetan rezultadu diak ba moris liu hosi prosesu edukasaun.

Edukasaun mak dalan ne’ebe importante ba ema hotu nia moris, liu hosi edukasaun mak bele muda moris ema nian sai ba diak, nune’e bele transforma hanoin ema nian ne’ebe ki’ik bele sai ba bo’ot no liu hosi dalan edukasaun mak bele lori ema liu hosi dalan ne’ebe la hatene ba hatene.

Virna do Carmo Martinho da Costa Lopes hanesan feto foinsae ne’ebe remata ona nia estdu iha Universidade Dili Institute Of Technology (DIT) ho idade ne’ebe ki’ik liu kompara ho nia kolega sira seluk.

Virna feto foinsae ida ne’ebe brani no la baruk atu luta ba nia future ne’ebe diak tanba iha nia moris kaer metin ona prinsipiu liu hosi moto rasik, “Hosi ki’ik mak ba bo’ot, hosi at mak ba diak, hosi terus mak ba kontente, hosi kiak mak ba riku, hosi nakukun mak ba naroman no xave ne’ebe importante mak esforsu makas, pasiensia mak dalan ba susesu naroman mundu nian”.

Feto bonita ne’e, oan hosi Aman Ananias do Carmo Fauca no Maria de Fatima da Costa Jose Lopes. Virna bin alin hamutuk nain 7 hela fatinPostu Administrativu Vera Cruz Suku Maskarinhas Baixu Centru.

Virna moris iha, Dili 01/01/1996, nune’e feto ran bonita ne’e hahu nia eskola ensinu baziku pre-primaria iha Cristal Balide hahu 2003-2008, ensinu pre-sekundaria Cristal hahu-2009-2011 hafoin hakat ba ensinu sekundaria Virna kontinua nafatin nia estudu iha Cristal Balide hahu hosi 2012-2014, hafoin remata ensinu Sekundaria Virna hahu kontinua kedan nia estdu iha Universidade Dili Institute of Technology (DIT) iha area Fakuldade SCHOOL OF BUSINES AND MANAGEMENT departamentu Jestaun Management espesifiku iha jestaun Finansas Publiku to gradua duni hanesan Lisensiatura iha 2018.

Tanba ho idade ne’ebe nurak la tauk hasoru konsekuensia hanesan terus no brani pasiensia esforsu an hodi alkansa mehi ne’ebe nia hakarak to duni rohan maibe laos to’o iha ne’e deit sei kontinua nafatin ba oin hodi aumenta konesimentu iha area oi-oin ne’ebe nia hakarak.

Nune’e, feto bonita ne’e hato’o mos nia rekomendasaun ba feto hotu iha Timor – Leste labele tauk atu foti dezisaun ne’ebe diak ba future tenke brani hakat ba oin hodi hasoru dezafiu hafoin bele alkansa mehi naroman.

Hau nia rekomendasaun fob a ami feto foinsae sira hotu iha Timor – Leste liu hosi prosesu no edukasaun ka kursu ne’ebe bo’ot la fasil, tanba ne’e hahu agora no ba oin husu ba maluk feto sira atu bele esforsu, tanba ita nia badinas mak atu buka nafatin saida mak ita la hatene  nune’e bele halo transforma saun ba ita nia kapasidade nune’e bele lori ta nia nasaun ne’e ba oin,” dehan Virna.

LEAVE A REPLY

Please enter your comment!
Please enter your name here