Home dezenvolvimentu Agrikultura Baze Fundamental Ekonomia Nasaun

Agrikultura Baze Fundamental Ekonomia Nasaun

73
0
SHARE

By: Fidelio RAMOS

THETIMOR-NEWS.com, DILI – Prezidenti Republika (PR) Francisco Guterres Lu-Olo husu ba Governu atu tau importansia ba setor agrikultura tanba setor ne’e mak hanesan baze fundamental ekonomia nasaun nian atu nune’e bele hamenus dependensia ba fundu minarai.

“Estadu tenke tau osan ne’ebe naton ba setor agrikultura atu nune’e bele dezenvolve tanba ida ne’e mak baze fundamental ekonomia nasaun nian presiza dezenvolve nune’e bele hamenus dependensia ba fundu mina rai,” dehan Lu-Olo iha nia diskursu selebrasaun loron Proklamasaun Independensia 28 de Novembru iha Palacio do Governo Dili.

Nia dehan, bainhira hasae produsaun agrikultura bele ona garante seguransa alimentar iha nasaun ne’e.

“Atu halo ekononomia buras bebeik tenki utiliza faktor rua hanesan fó kreditu ba ekonomia setor privadu  no investe lolos iha kapital Agrikula,” dehan Lu-Olo.

Alende ne’e nia konsidera lei Fundo Minarai ne’ebe estabelese iha 2005, nu’udar fundo ida ne’ebe mak soberano no uniku hodi garante Orsamentu Jeral Estadu (OJE) kada tinan.

Lu-Olo afirma, infelizmente reseitas seluk iha rai laran hanesan hosi imposto ka taxa, ne’ebe laliu hosi milhaun atus rua, maibe tuir dadus estatikus 2017 hatudu  katak iha nasaun Timor-Leste ekonomia ka diversifikasaun rai laran sei hakdasak nafatin.

“Tanba ne’e Estadu presiza kompleta lalais reforma fiskal, reforma ne’e hahu ona maibe seidauk fó funan ba rezultadu tuir ita hotu nia hakarak, bainhira ita nia sistema finanseiru ida klaru no justo ne’ebe halo luan liu tan baze efikasia hodi kobra impostu no taxa ita sei hases avazaun fiskal katak “ema la selu  impostu ka taxa” Atu hadia kestaun hirak ne’e tenki iha politika fiskal ida ne’ebe solida,” dehan Xefe Estadu.

LEAVE A REPLY

Please enter your comment!
Please enter your name here