Home dezenvolvimentu Opozisaun Fiar Governu Sei Ezekuta OJE 2018 to’o 100%

Opozisaun Fiar Governu Sei Ezekuta OJE 2018 to’o 100%

228
0
SHARE
Deputada bankada FRETILIN, Maria Angelica Rangel. Photo: TTN/Hortencio Sanches

By: Hortencio SANCHES

THETIMOR-NEWS.com, DILI – Bankada opozisaun FRETILIN iha uma fukun Parlamentu Nasional liu hosi deputada Maria Angelica Rangel hatete, sira nia parte fiar ho esforsu Governu nian bele ezekuta Orsamentu Jeral Estadu (OJE) 2018 to 100% iha fulan Dezembru.

“Governu horseik liu-liu Ministeriu finansas relata katak Governu hotu sira nia ezekusaun total hosi orsamentu ne’ebe mak Parlamentu aprova iha 2018 nian hamutuk ona 80 ital %, maibe ami fiar katak ho sira nia esforsu rasik dehan katak sira sei ezekuta to 100% iha 15 ou 31 Dezembru agora,” dehan deputada Nina Rangel ba Jornalista iha Parlamentu Nasional, Tersa (27/11/2018).

Tuir sira nia hare, kategoria ne’ebe Governu la ezekuta mak hanesan kapital dezenvolvimentu no bens servisu balun ne’ebe hotu-hotu hatene projetu balun sei pendente no iha prosesu avaliasaun liu-liu AND Kafi nune’e bele rekomenda ba Ministeriu finansas hodi halo pagamentu.

“Ami hanesan opozisaun durante ne’e sempre kestiona kona ba kualidade laos numeru deit, maibe ami nia fiar hare ba sira nia esforsu ne’ebe mak iha espera katak bele halo ezekusaun ne’e to iha rohan tanba 2018 laiha projeitu foun no projetu hirak ne’e kontinuasaun hosi anterior mai,” dehan Nina.

Tanba ne’e, sira nia parte husu ba Ministeriu Obras Publiku tenke halo servisu kontinuasaun tuir lei no dalan.

“Ami dehan hanesan ne’e tanba Ministeriu Obras Publiku seidauk brani foti dezisaun tanba iha ministeriu ne’e ezekusaun tun liu tanba Ministru seidauk brani foti dezisaun makas tuir lei, maibe tuir lolos ne’e sira nia ezekusaun tenke to 90% ona laos iha ministeriu ne’e rasik seidauk atingi 70%,” dehan Nina.

Editóra: Agida DOS SANTOS I COPPYRIGHT THETIMORNEWS © 2018

LEAVE A REPLY

Please enter your comment!
Please enter your name here