Home nasional Taur: Presiza Hadia Sistema Servisu Notariadu

Taur: Presiza Hadia Sistema Servisu Notariadu

244
0
SHARE
Primeiru Ministru Taur Matan Ruak hamutuk ho espoza kaer hela Bileti de Identidade hafoin remata renovasaun iha Diresaun Nasional Rejistu Notariadu Bebora Dili. Photo: Media/ GPM Valentino Dariel

By: Hortencio SANCHES

THETIMOR-NEWS.com, DILI – Primeiru Ministru (PM) Taur Matan Ruak hatete, ba oin presiza hadia servisu no sistema atendimentu Diresaun Nasional Rejistu no Notariadu hodi halo atendimentu ba publiku ho diak.

Taur hato’o lia hirak ne’e hafoin remata renovasaun ba Bileti de Identiodade no Passaporte ne’ebe akompaina ho nia Espoza Isabel da Costa Fereira, iha Diresaun Notariadu Bebora Dili, Sexta (23/11/2018).

“Notariadu buat barak sei hadia liu-liu atendimentu hanesan fatin ne’ebe ema sira mai halo dokumentu sira no kria mos kondisoes para ita nia funsionariu sir abele halo prestasaun servisu ida diak ba kliente sira tanba sira mak ita nia liurai,” dehan PM Taur.

Nune’e, Xefi Governu husu funsionariu hirak ne’ebe halo servisu iha diresaun refere tenke halo atendimentu diak ba ema hotu ne’ebe trata dokumentus kada loron.

Tanba ne’e, Minstru Justisa Manuel Carseres hatete kondisaun servisu Notariadu hahu hosi nasional to rejional iha ona programa atu hadia nune’e funsionariu sir abele halo knar ho diak.

“Hanoin orsamentu 2019 nia agora bele hadia ona kondisaun iha fatin ida ne’e, nune’e liu funlan nen ou sia hanesan ne’e ita bo’ot sira mai hare fatin iha ne’e bele oinseluk ona, nune’e atendimentu iha laran ne’e hau lakoi atu uza triplek tan tenke uza vidru ne’ebe transparsia atu povu mai bele hare funsionariu sira se mak halo servisu ou se mak la halo ida ne’e mak hau hakarak,” dehan Ministru ne’e.

Governante ne’e promote ba oin dokumentu hotu hanesan BI sertidaun RDTL no pasaporte bele halo hotu iha munisipiu ida-idak atu nune’e bele hamenus ema labele forma dudu malu hodi trata dokumentus.

Editóra: Agida DOS SANTOS I COPPYRIGHT THETIMORNEWS © 2018

LEAVE A REPLY

Please enter your comment!
Please enter your name here