Home nasional Kazu Kuluhun Suspeitu Tama Ona Prizaun Preventiva

Kazu Kuluhun Suspeitu Tama Ona Prizaun Preventiva

8337
0
SHARE

By: Hortencio SANCHES

THETIMOR-NEWS.com, DILI – Tribunal Distrital Dili (TDD) foti ona dezisaun ba kazu ne’ebe komete hosi Oknum Polisia Nasional Timor – Leste (PNTL) balun ne’ebe tiru Joven ualu lima kanek no tolu mate iha festa koremetan ne’ebe halo iha Aldeia Kuluhun Suku Akadiru hun 18 Novembru liu ba. Tanba ne’e ohin Tribunal desidi ona Prizaun Preventiva ba arguidu nain 2 ho naran Inisial JM no FMS.

Antes Tribunal foti dezisaun, ba arguidu ne’ebe komete iha trajedia refere, tuir ona interogatoriu da-huluk durante loron rua iha ne’ebe Ministeriu Publiku, antes ne’e promove ona arguidu sira ho kodigu penal artigu 139.

 Enkuantu, arguidu nain 2 ho inisial JPA no TR hetan deit Termus de Rezidensia tanba provas hatudu arguidu nain rua la komete krimi iha momentu kazu ne’e akontese.

Arguidu nain hat ne’e, nudar membru Polisia, maibe nain rua ne’ebe tiru ida hosi unidade polisia maritime no ida hosi Servisu Informasaun Polisia.

Entretantu, kronolojia ba kazu ne’e, vitima nain 8 hetan tiru iha domingu 18 Novembru madrugada  mais ou menus oras 1:30  hafoin assiste hela festa koremetan iha fatin ne’eba.

Hafoin akontese familia vitima sira konsege evakua kedan ba ospital maibe nain tolu la konsege salva vida no hakotu is no nain 5 konsege salav maibe to oras ne’e sei baixa hela iha Ospital Nasional Guidu Valadares (HNGV).

Vitima tolu ne’ebe lakon vida mak hanesan Luis Cavin Saldanha (18), hetan tiru hosi parte kakorok borus ba kotuk, Leonaldino Eduardo Ximenes (20), hetan tiru hosi kabas oin borus ba kotuk no Eric Joni Riveiro (23) bala musan kona iha parte ulun.

Iha Julgamentu da-huluk interogatoriu ne’e, liu hosi alegasaun MINISTERIU Publiku reprejenta Prokurador Jacinto Babo, promove suspeitu sira ho krimi rua mak hanesan, krime tentative omesidu no krimi omesidu grave tuir kodigu penal.

Iha julgamentu ne’e, prezidi husi juis singular Jacinta Fernades, Ministeriu publiku reprejenta Jacinto Barros, Defensor ba arguidu rua ne’e mak, defensor publiku Estaque Guterres no Advogadu Privadu Pedro Aparico.

Ba Jornalista, defeza privadu Pedro Aparicio hosi Arguidu JM hatete, dezisaun ne’ebe Tribunal foti bazeia ba kazu ne’ebe arguidu komete durante ne’e.

“Dezisaun ida ne’e sai maibe Ministeriu Publiku sei halo investigasaun, Tribunal hare medida Prizaun preventivas ne’e adekuadu duni katak relevante ho nia aktus kriminal ne’e, atu nune’e iha komunidade ne’e labele mosu problema hodi afeita ba buat hotu,” dehan Defensor Pedro ba Jornalista hafoin remata julgamentu iha TDD, Kuarta (21/11/2018).

Nia dehan, dezisaun ne’ebe Tribunal foti justu maibe parte advogadu sei hare hodi halo konsultasaun ho arguidu no familia nune’e bele halo rekursu ou lae.

“Medidas ne’e seidauk tama principal maibe ne’e hanesan prevensaun deit no prosesu inkeritu investigasaun ne’e lao ba oin,” dehan Pedro.

Editóra: Agida DOS SANTOS I COPPYRIGHT THETIMORNEWS © 2018

LEAVE A REPLY

Please enter your comment!
Please enter your name here