Home nasional Hetan Solusaun Diak Hosi Demostrasaun, Lere: MEUTL Tenki Kalma

Hetan Solusaun Diak Hosi Demostrasaun, Lere: MEUTL Tenki Kalma

363
0
SHARE
Movimentu Estudante Universitariu Timor - Leste (MUTL). Photo TTN/Hortencio Sanches

By: Fidelio RAMOS

THETIMOR-NEWS.com, DILI – Xefe Estadu Maior Das Forsas Armadas F-FDTL Maijor General Lere Anan Timur afirma, bainhira Movimentu Estudante Universitario Timor-Leste (MUETL) halo asaun demostrasaun kontra Parlamentu Nasional (PN) relasiona ho sosa parado foun no dada hikas parado husi Eis Deputadu Lejislatura Datolu presiza kalma no pasensia hodi utiliza matenek hodi rezolve ho ulun malirin nune’e bele nia solusaun ne’ebe pozitivu.

Xefe Estadu das Forsas Armada, Maijor Jeneral Lere Anan Timur. Photo: TTN/Hortencio Sanches

“Ha’u hanoin situasaun  Universitariu sira halo ne’e ha’u husu ba ita kalma, pasiensia uza imi nia matenek, uza imi nia intelektualidade buka rezolve, ho  Parlamentu Nasionál nu’udar orgaun soberanu ita dada fila ona ita nia desizaun ne’e hanesan ha’u maka Prezidente Parlamentu ha’u la dada fila ida, maibé dada tiha ona buka kontaktu dialogu ho ita nia oan sira atu to’o hetan solusaun ida ne’ebé mais pasifiku sosa ka la sosa ne’e la’os problema, ita sosa mós kareta iha Timor la sosa mós ita Timor la sosa la’os sosa atu haruka ba liur ne’e laiha,”dehan Lere ba Jornalista hafoin remata sorumu ho Prezidenti Republika (PR) Francisco Guterres LU-Olo iha Palacio Prezidensial Bairu-Pite, Kuarta (21/11/2018).

Tanba ne’e , husu ba estudante sira hatudu  intelektualidade no matenek tanba  imi mak serve ba konstrusaun futuru nasaun ne’e nian.

Haree situasaun rai laran ba dadauk ne’e Sarani  ka igreja Katólika iha Timor-Leste organiza malu atu halo demostrasaun hasoru Parlamentu Nasionál relasiona ho viajem Prezidenti Republika ba Estadu vatikano ne’ebe mak PN la autoriza liu hosi  plenaria iha semana liu ba ho votus afavor 25 kontra 36 abstensaun 0.

“Situasaun  komesa ba bei-bek tanba ita haree uluk krize 2006 mós hanesan ne’e igreja Katólika halo demostrasaun lori estatua tun sae ba tau iha ne’eba la kleur 2000 mosu ita oho malu ita sunu malu, ita lakohi repete tan,” haktuir ema numeru ida iha F-FDTL.

Enkuantu festa saun manifestasaun ne’ebe hala’o iha edifisiu Muzeun da Rezistensia nian ne’ebe envolve hosi estudante veteranus sosiedade sivil no seluk tan sei la termina tempu bainhira hetan ona solusaun tuir MUETL nia hakarak.

“Ita nu’udar Timor oan ita buka ita hotu-hotu nia objetivu ida de’it hakarak ukun aan, tanba ne’e ita agora ukun aan ona agora ita ajuda malu iku-ikus liu ita maun boot sira buka  konsensus ba interese nasionál ida importante maun Xanana, Ramos Horta, Mari, Taur, Lú Olo sira na’in lima sira ne’e maka elementu xave nasaun ninia,” Lere hato’o.

Ha’u hanoin katak tempu badak sira sei tur hamutuk tanba situasaun politika ne’ebé agora la’o hanesan ne’e sira buka solusaun tanba ita iha batallu boot iha ita nia oin ukun aan ita too ona soberania ne’e seidauk kompleitu.

Iha Asaun ba segundu faze ne’e hahu durante Segunda  to’o Kuarta ohinhetan seguransa diak hosi membru Polisia Nasional Timor-Leste (PNT) hosi Unidade Forsa Rezerva Unidade Polisia Tranzitu no Unidade Batlhão Ordem Publik (BOP).

Editóra: Agida DOS SANTOS I COPPYRIGHT THETIMORNEWS © 2018

LEAVE A REPLY

Please enter your comment!
Please enter your name here