Home dezenvolvimentu Lu-Olo: PNTL Tenki Sai Instituisaun Profesional

Lu-Olo: PNTL Tenki Sai Instituisaun Profesional

354
0
SHARE
Prezidente Republika Francisco Guterres Lu-Olo. Photo: TTN/Hortencio Sanches

By: Fidelio RAMOS

THETIMOR-NEWS.com,  DILI – Prezidenti Republika (PR) Francisco Guterres Lu-Olo hatete, bainhira Atu hetan konfiansa diak hosi povu, Polisia Nasional Timor-Leste (PNTL) tenke sai instituisaun ida ne’ebe mak profisionál.

Kestaun ne’e PR Lu-Olo hato’o ba Jornalista iha salaun Xina Palasio Prezidente Bairu Pite (20/11/2018) relasiona ho trajedia ne’ebe akontese iha Kuluhu halo hosi membru PNTL balun hodi rejulta Joven tolu mate no lima kanek.

“Membrus Polísia PNTL labele uza kilat tuir sira-nia hakarak  maibé tuir lei no regras polísia nian,membru Polísia tenke hatene sira-nia responsabilidade bainhira hala’o sira-nia servisu, nu’udar ajentes ho kilat,” dehan PR Lu-Olo.

 Tanba ne’e Prezidente Repúblika, apela ba Povu tomak atu fó konfiansa nafatin ba PNTL hanesan instituisaun Estadu  ne’ebé servisu ba manuntensaun Lei no Ordem públika iha nasaun ne’e.

“Povu presiza fó liman nafatin ba ita-nia PNTL nu’udar forsa seguransa ba manuntensaun  lei no ordem públika, membrus sira ne’ebé halo atuasaun ne’e  individual, la’ós PNTL hosi instituisaun tomak, nune’e  sira responde individual pesoál,iha lei nia oin,” dehan ema numeru ida iha TL.

Lu-Olo esplika, tuir lei haruka sidadaun ne’ebé  viola lei, sei la sees husi responsabilidade no Justisa, tanba tuir nesesidade atu halo prevensaun jerál no espesiál ema hotu tau fiar tomak ba  instituisaun judisiária sira atu nune’e bele investiga, julga no kondena tuir lei haruka.

Daudaun ne’e membru polísia ne’ebé tiru joven sira hetan detensaun no investigasaun husi Ministériu Públiku hamutuk ho Polísia Investigasaun Kriminál.

Nune’e Xefi Estadu husu atu halo investigasaun klean kona-ba akontesimentu ne’e no prosesa lalais autor sira ba  Tribunál atu foti desizaun.

Editóra: Agida DOS SANTOS I COPPYRIGHT THETIMORNEWS © 2018

LEAVE A REPLY

Please enter your comment!
Please enter your name here