Home nasional Julio Hornay Prontu Husik Kargu, Bainhira Governu Foti Desizaun

Julio Hornay Prontu Husik Kargu, Bainhira Governu Foti Desizaun

5986
0
SHARE
Komandante PNTL Julio Hornay koalia hela kona ba prosesu atu foti hasoru nia membru ne'ebe tiru mate Joven iha Kuluhun Baixu. Photo: Aquino Campuz

By: Fidelio RAMOS

TEHTIMOR-NEWS.com, DILI – Relasiona ho akontesimentu ne’ebe Oknum Polisia Nasional Timor – Leste balun halo iha Kuluhun de Baixu tiru mate Joven nain 3 no 5 kanek hamonu ona imajen instituisaun refere. Tanba ne’e Komandante Jeral PNTL Julio da Costa Hornay hatete, bainhira Governu foti dezisaun saiida deit hasoru nia ou hapara prontu simu dezisaun tomak.

“Hau Komandante Jeral hau simu responsabilidade tomak hosi Governo hodi nomeia hanesan Komandante, se bainhira Governo atu hola desizaun fila fali katak hau komandante Jeral laiha kapasidade entaun bele hapara ona iha ne’e hau simu ohin hau intrega,” Julio Hornai ba Jornalista iha Palacio Prezidensial Bairu-Pite, Tersa (20/11/2018), hafoin remata inkontru extraordinaria ho Prezidenti Republika (PR) Francisco Guterres Lu-Olo.

Ema numeru ida iha PNTL ne’e haktuir,  pozisaun nu’udar komandante hanesan kargu Estadu Timor-Leste nian ba povu tomak no  la’os ba ema ida ka rua deit  iha nasaun ne’e.

“Nomeia ami prontu kumpri desizaun, bainhira atu hapara iha minutu ida ne’e mos ami konkorda intrega ba hodi hili fali maluk sira seluk ne’ebe mak  iha kompetensia para bele hala’o fali servisu ne’e ho diak,” dehan Julio.

Editóra: Agida DOS SANTOS I COPPYRIGHT THETIMORNEWS © 2018

LEAVE A REPLY

Please enter your comment!
Please enter your name here