Home nasional Utiliza Arma la Hatene An, Familia Vitima Husu MP Prosesa Lais Oknum...

Utiliza Arma la Hatene An, Familia Vitima Husu MP Prosesa Lais Oknum PNTL

200
0
SHARE
Joven hirak ne'ebe hetan tiru hosi oknum PNTL iha area Kuluhun. Photo: Speesial

By: Fidelio RAMOS

THETIMOR-NEWS.com, DILI – Intituisaun Polisia Nasional Timor-Leste (PNTL)  hanesan  lutu ba nasaun Timor-Leste nian maibe realidade okmun polisia nain rua la kumpri ordem no lei  hodi utiliza armas tuir hakarak to’o tiru jovem nain 3 mate iha area kuluhun no 5 kanek todan no kaman  tanba ne’e vitima familia  husu ba Ministeriu Publik (MP) atu aselera lalais kazu ne’e  ho lalais hodi kondena oknum refere.

Deklarasaun hirak ne’e hato’o husi familia vitima Georgina da Silva iha dialogu ho Komandante Jeral Polisia Nasional Timor-Leste (PNTL) Komisariu Julio da Costa Hornai ho ekipa hafoin remata vizita hato’o sentidu kondolensia iha vitima sira nia rezidensia fatin iha Aldeia Kuluhun de Baixo Suku Akaderuhun Postu Administrativu Nain Feto Mnisipiu Dili, Segunda (19/11/2018).

Komunidade iha area kuluhun baixu la menta ho atitude oknum PNTL ne’ebe uza pistola tiru mate Joven nain tolu no 5 kanek todaqn. Tanba ne’e mek sira hakerek Paredi lolon hodi hatudu ba Publiku, PNTL servisu laiha profesionalismu.

“Ami Familia husu ba Governo no instituisaun polisia tanba sa armas hirak ne’e fo livre ba okmun hodi oho povu, no hahalok hanesan ne’e laos foin primeira vez akontese, maibe akontese bebeik ona ba familia seluk,  maibe  Governo no intituisaun polisia nunka tau seriu liu, ne’e duni povu kbi’it laek kontinua sai vitima hela deit ba hahalok sira hanesan ne’e, ho kestaun ne’e ami husu ba MP kondena tuir lei no husu mos ba intituisaun polisia fo sansaun disiplina ba oknum ne’e ,” dehan Georgina.

Georgina esplika tan kronolojia,  okmun polisia ho naran  Chiquito kunesidu ho naran  pai Quito Panglima hanesan festa nain no okmun José  Mina hanesan kolega diak  autor 2 ne’e partisipa hotu iha festa hanesan siguransa tanba antes hahu festa desidi katak oknum mak sai responsabiliza ba iha siguransa maibe to’o ikus okum mak sai fali autor ba krimi.

Trajedia ne’e akontese durante iha festa koremetan ba matebia João (Aduan) hosi akontesementu ne’e vitima nain 3 husik hela iis mak hanesan, Erick Joni Bria ho idade 24 husik hela fen ho oan foin halo tinan ida, Vitima Luis Kevin Saldamha Belo ho idade 18, enkuantu vitima Leonildo Eduardo Ximenes Siqueira ho idade 18 husik hela fen ho oan ida foin fulan 6.

“Kazu ne’e ami konsidera hanesa trajedia no la’os asidenti maibe konsidera hanesan lolos trajedia ida mai familia iha Timor-Leste liliu ami sira  iha Kuluhun,” dehan Vitima.

Komandante PNTL Julio Hornay koalia hela kona ba prosesu atu foti hasoru nia membru ne’ebe tiru mate Joven iha Kuluhun Baixu. Photo: Aquino Campuz

Hatan ba aktu ne’e Julio Hornai hatete, hanesan Komandante Jeral tenki foti medida ne’ebe forti ba suspeitu ka individu ba memnru polisia ne’ebe halo aktu ba krimi ne’e.

“Membru sira ne’e iha sela 72 jam no  agora ba fali  prosesu disiplinar ita foti ona medida ba dezarmamentu hodi foti suspensaun preventiva 90 dias para sira la involve durante iha servisu hodi subemete membru ba iha prosesu investigasaun,” dehan Julio.

Nune’e mos ema numeru ida iha PNTL dehan, sei fo apoiu tomak ba prosesu funeral ba vitima sira mate no hakarak lori intituisaun PNTL nia naran husu mos deskulpa ba familia vitima ne’ebe mak membru sira halo fora husi ordem.

Hafoin remata vizita komandu ho ekipa hala’o kedas vizita ba iha vitima nain 5  hanesan Terezinha Vila Nova, Pinto Gamo, Agrafino da Costa, Paulino de Jesus Lucio do Carmo  ne’ebe mak hetan kanek todan no kaman iha Hospital Nasional Guido Valadares (HNGV).

Maibe husi nain 5 kanek ne’e nain  2 dadaun ne’e fila ona ba rezidensia fatin tanba rekupera ona kanek.

Enkuantu nain tolu seluk  sei halo hela tratamentu iha sala ICU no sala  de engermaria de Cerugia Mulher tanba kanek sei grave hela.

Editóra: Agida DOS SANTOS I COPPYRIGHT THETIMORNEWS © 2018

LEAVE A REPLY

Please enter your comment!
Please enter your name here