Home nasional Nakukukun Hafalun Kuluhun, Moru Lolon Nakonu ho Letra Mean

Nakukukun Hafalun Kuluhun, Moru Lolon Nakonu ho Letra Mean

281
0
SHARE

By: Fidelio RAMOS

THETIMOR-NEWS.com, DILI – Timor – Leste hanesan nasaaun demokratiku no hamrik iha mundu nia let ho nia soberania rasik ne’ebe konsagra ona iha Konstituisaun RDTL no Proklama Independensia 20 de Maiu 2002.

Hosi Ukun an to ohin loron ema barak sei oha malu nafatin, enkuantu politiku nain sira mos hare malu matan la mos.

Ho nune’e, 18 Novembru Magrugada nakukun ida hafalun metin aldeia Kuluhun baixu iha festa koremetan ne’ebe nakonu ho komunidade sira hosi fatin oi-in partesipa hela, maibe oknum balun hosi Polisia Nasional Timor – Leste ne’ebe habadak Joven nain 3 nia vida ho bala musan povu nian ne’ebe intrega ba sira hodi fo seguransa ba povu.

Tanba ne’e, Segunda (19/11/2017) Juventude hosi familia vitima Aldeia Kuluhun de Baixo Suku Akaderu hun Postu Nain Feto Munispiu Dili, organiza malu marka letra oi-oin nakonu iha moru lolon ba dalan protokolu.

Marka iha Moru ne’e hanesan,”oho asuain nia oan sira, tristi tebes ho imi nia atuasaun polisia, kondena autor ba kazu tiru joven mate tuir lei, no Governo fo armas ba milisia hodi oho povu.”

Reprezentante ba atividade marka moru liu hosi  Fernando Soares Pires hatete,  objetivu la’os halo krimi ruma maibe atu hato’o deit sentimentu profundo ba vitima sira mate,  nune’e mos hodi hatudu ba Governo no intituisaun polisia hodi kondena membru sira sei labele halo tan aktu ne’e iha futuru.

“Bebeik ona polisia halo atuasaun ho deit kroat ba ita povu kbi’it laek sira ne’e hodi rejulta ema mate barak ona no kanek mos barak, ne’ebe ikus mak ida ne’e ona hodi hatudu ba Governo hodi hadia fali sira nia membru  para loron seluk la akontese tan ona,” dehan Joven ne’e.

Tuir nia n’udar jovem foin sa’e senti tristi, bainhira okum polisia hasai jovem maluk sira seluk nia vida ne’ebe mak fora hosi ordem servisu.Tanba ne nia promete bainhira seremonia funeral ba mate isin remata jovem iha area refere ho inisiativa sei hamos hikas letra hirak ne’e.

Editóra: Agida DOS SANTOS I COPPYRIGHT THETIMORNEWS © 2018

LEAVE A REPLY

Please enter your comment!
Please enter your name here