Home nasional Hakotu Joven Nia Vida ho Bala Musan, Lu-Olo: Tenke Hola Medidas Forte

Hakotu Joven Nia Vida ho Bala Musan, Lu-Olo: Tenke Hola Medidas Forte

513
0
SHARE
Perzidente Republika Fransisco Guterres Lu-Olo, Photo: Spesial

By: Fidelio RAMOS

THETIMOR-NEWS.com, DILI – Prezidenti Republika (PR) Francisco Guterres Lu-Olo husu ba parte rua hanesan Polisia Nasional Timor – Leste (PNTL) no Ministeriu Publiku (MP) tenke hola medidas ne’ebe forte hasoru oknum hirak ne’ebe uza armas hasai Juventude sira nia vida.

Xefi Estadu fo sai  lia hirak ne’e iha inkontru jeral anual ho Forum ONG Timor-Leste (FONGTIL) iha salaun parokial São José Katedral Vila Verde relasiona ho membru Polisia Nasional Timor-Leste (PNTL) ne’ebe tiru mate joven nain 3 iha fatin no hakanek nain 5 seluk iha kuluhun de baixu Domingo madrugada.

“kazu kuluhun kazu ida ne’ebe halo ita hotu laran tristi no susar Prezidenti Republika manisfesta nia preokupasaun ho situasaun ida ne’e hau hateten ba komandu polisia para oinsa hola meididas lalais kona ba membru polisia ne’ebe atua oho ita nia joven sira no hakanek,” dehan Lu-Olo iha Salaun Katedral Dili, Segunda (19/11/2018).

Ne’e duni Xefe Estadu husu ba instituisaun polisia sei labele foti medida disiplinar deit ba okum PNTL maibe tenke submete lalais ba iha investigasaun kriminal atu halo apuramentu lolos ba gravidade husi kazu ne’e hodi Tribunal Rekursu (TR)  bele tesi lia.

“Hau Bele Admira oinsa ema Sivil lori fali kilat sikat nia bolsu laran hodi ba festa,” dehan Lu-Olo.

Haree ba  problema seriu ne’e Xefi Estadu iha ona hanoin  hodi koalia ho Governo iha tempu badak  hodi hare ba aktu ne’ebe akontese tamba ne’e Prezidenti Republika husu ba Ministru Defeza no Seguransa (MDS) atu bele lori PNTL ba instituisaun ida ne’ebe profesional liu.

Iha kontesimentu ne’ebe Oknum PNTL hirak ne’e halo rejulta Joven ualu mak asai vitima hanesan lima kanek todan no tolu mate. Tanba ne’e familia vitima husu ba Governu atu tau atensaun no hola medida ne’ebe seriu hasoru Polisia ne’ebe hatudu hahalok bandalismu hasoru komunidade.

Editóra: Agida DOS SANTOS I COPPYRIGHT THETIMORNEWS © 2018

LEAVE A REPLY

Please enter your comment!
Please enter your name here