Home nasional FRETILIN Husu Oknum PNTL Responsabiliza Aktu Kuluhun

FRETILIN Husu Oknum PNTL Responsabiliza Aktu Kuluhun

131
0
SHARE
Militante FRETILIN ne'ebe partisipa iha kampaina ikus ne'ebe halo iha Tasi-Tolu Dili. Photo: Hortencio Sanches

By: Hortencio SANCHES

THETIMOR-NEWS.com, DILI – Bankada Parlamentár FRETILIN kondena maka’as átu violensia hotu-hotu, liuliu violensia ne’ebé komete husi ajente sira siguransa no defeza Estadu nian hasoru povu Timor-Leste, hanesan akontesimentu ne’ebé hamate joven na’in tolu no hakanek na’in lima seluk iha bairu Kuluhun Baixu.

Reprezentante Bankada Parlamentár FRETILIN, Deputadu Marito Mota ho Deputada Nelia Menezes, hodi Bankada FRETILIN nia naran, hato’o kondolensias kle’an ba familia sira matebian Geby, Aleo no Ony nian no hein katak sira nain tolu hetan fatin hakmatek Rohan Laek.

Ba joven nain lima ne’ebé kanek, liuliu sira ne’ebé sei baixa hela iha Hospital Nasionál Guido Valadares, Bankada Parlamentar FRETILIN hato’o dezeiju rekoperasaun lalais.

“Bankada Parlamentar FRETILIN eziji autoridade kompetente atu investiga akontesimentu ida ne’e no haree ba akontesimentu ne’e nudár lisaun atu halo reforma klean ba instituisaun siguransa no defeza Estadu nian sira atu evita akontesimentu sira hanesan ne’e repete iha futuru,” Deputadu Marito Mota salienta.

“Hanesan joven ida, ha’u ejiji atu suspeitu sira ne’ebé mak komete átu krimi ne’e tenki tuir prosesu judisiál no ami hein katak sira sei hetan pena ne’ebé adekuada ho sira nia sala,” Deputada Nelia Menezes hatutan.

Nota katak akontesimentu ida ne’e la’os foin ba dala uluk, Deputadu Marito Mota “ezije Primeiru Ministru atu nomeia lalais Ministru Interiór foun ba Prezidente-da-Repúblikaatu bele fó pose. Ho akontesimentu iha Kulu Hun, Timor-Leste presiza ministru ida kompetente hodi bele lidera reforma iha setór seguransa, liuliu reforma iha instituisaun PNTL.”

“Ami eziji Prezidente Parlamentu Nasionál hato’o mensajen solidariedade ba vítima ho família sira lori deputadu hotu-hotu nia naran,” Deputadu Marito Mota konklui.

Editóra: Agida DOS SANTOS I COPPYRIGHT THETIMORNEWS © 2018

LEAVE A REPLY

Please enter your comment!
Please enter your name here