Home dezenvolvimentu Eskola Elos Loilubo Kondisaun Ameasadu

Eskola Elos Loilubo Kondisaun Ameasadu

81
0
SHARE
Eskola Elos Loilubo kondisaun ne'ebe Grave tebes. Photo: Spesial

By: Fidelio RAMOS

THETIMOR-NEWS.com, Baucau – Kinta (15/11/2018) ekipa Gabineti Apoiu Atividade Conjúje Prezidensia Republika (GAAC-PR) ne’ebe mak lidera hosi Kordenadora Amelia Soares  Pinto no Kordenadora Kaza Sivil Prezidensia Republika Alsina de Jesus hala’o observasaun direitamemte ba eskola Pre-Eskolar Elos Loilubo hodi haree nia kondisaun grave tebes.

Kordenadora GAAC-PR Amelia Soares senti tristi bainhira haree direita eskola refere nia kondisaun, tanba ne’e sei hato’o ba espoza Xefi Estadu atu toma konsiderasaun no sei kordena mos ba Ministeriu Edukasaun hodi tau matan.

Kestaun ne’e media THETIMOR-NEWS asesu iha liu husi pajina Gabineti Apoiu Atividade konjuje Prezidensia Republika.

Tuir observasaun ba kondisaun uma eskola falta meza ho kadeira, no material seluk tan,uma ne sai ameasado ba labarik estudante sira ,tanba ai dodok hotu no kalen mos kuak,Total estudante nain 48, Manorin nain rua voluntariu hosi 2013 to ohin loron sedauk hetan subsidiu ruma husi Governo,maske eskola refere hetan ona akreditasaun husi ME iha 2015 ho numero EMIS 1508.

“Ho kondisaun ne’e mak ami hato’o ona proposta ba Gabineti Espoza hodi apoio ba difikuldade maske kondisaun hanesan ne’e maibe ami prontu nafatin hanorin oan ho vontade tomak,”Kordenador Pre-Eskolar hatoo.

Eskola Ne’e hetan ona tulun material hosi Ajensia Internasional World Vision no Australia, maibe doasaun ne’e to deit iha tinan 2014 maibe husi tinan 2017 alunos Elos Loilubo hetan ona kaderneta no diploma husi ME.

Iha fulan kotuk reprezenta kordenadora hatoo ona prekupasaun kona ba kondisaun eskola ba Espoza Prezidenti Cidalia Lopes Nobre Mouzinho Guterres, atu nunee bele fo tulun.Tanba ne’e ekipa GAAC-PR tun haree rasik katak presiza hetan tulun ruma tanba labarik ki’ik mak futuro nasaun nian presiza investe ho diak.

Editóra: Agida DOS SANTOS I COPPYRIGHT THETIMORNEWS © 2018

LEAVE A REPLY

Please enter your comment!
Please enter your name here