Home dezenvolvimentu Timor – Leste 74% Assesu Ona Agua Potavel

Timor – Leste 74% Assesu Ona Agua Potavel

1409
0
SHARE
Vise Ministra Saude Elia A. A. dos Reis Amaral hosi klaran. Photo: Media/GMS

By: Hortencio SANCHES

THETIMOR-NEWS.com, DILI – Vise Ministra Saude Dra. Elia A. A. dos Reis Amaral informa, tuir dadaus ne’ebe iha Timor – Leste kuaje 74% assesu ona ba agua potavel. Tanba ne’e politika Ministeriu kontinua halo kontrolu masimu nune’e bele prevene moras.

Governante ne’e afirma, kontrolu primeiru hare ba persentajen ne’ebe iha, segundu oinsa halo assesu kontrolu ijeniu ne’ebe diak.

Vise Ministra Elia A. A. dos Reis Amaral partesipa iha Sorumutu agua potavel ne’ebe organiza hosi Ministeriu Obras Publiku. Photo: Media/GMS

“Ita hali liu ba ida ne’e no tanbasaida mak akontese moras barak, durante ne’e ita hare ba sanitasaun no agua ne’ebe mak instaladu tiha ona la tuir dalan ne’ebe mak apropriadu entaun ho ida ne’e mak sorumutu ida ne’e hodi loke dalan ita atu hare oinsa ba lina  agua potavel ne’ebe ita bele dehan 74% maibe la tuir nia fatin tanba balu assesu ona maibe be’e la dun mos ne’e mos afeita ba saude nian hodi akontese ema moras mak ita hare hanesan diareia, tuir fali mak moras kulit hanesan isin katar sira,” dehan Dra. Elia ba THETIMOR-NEWS bainhira partesipa Workshop kona ba Agua no Saneamentu ne’ebe halo iha Hotel Timor, Kinta (15/11/2018).

Nune’e mak VIII Governu ho vizaun hare liu hosi pontus internasionais balun estabelese katak nasaun ne’ebe dezenvolve tenke mos saudavel ba ema hotu nia moris.

Tanba ne’e, Ministeriu Obras Publiku (MOP) ho lina ministerial balun realiza sorumutu hodi koalia kona ba oinsa kria kondisaun ne’ebe diak ba agua no saneamentu.

Entretantu, iha sorumutu ne’e parte Saude partesipa atu koalia kona ba saida mak parte saude. Ne’ebe pontu tolu iha Sustainable Developmant Goals (SDG), ne’ebe mak hatete kona ba agua potavel no saneamentu, “Ida ne’e saida mak ita atu fornese ba be’e mos no saneatase ne’ebe mak diak ho ida ne’e mak ita koalia atu kria saida diak ba agua no saneamentu.”

Enkuantu, Politiku Estratejiku Dezenvolvimentu setor Saude iha lina dahuluk koalia kona ba Saude ambiental.

“Koalia kona ba saude ambiental mak komunidade sira tenke assesu ba aguapotavel ne’ebe diak no tenke hadok sira hosi moras oi-oin,” dehan Dra. Elia.

 Editóra: Agida DOS SANTOS I COPPYRIGHT THETIMORNEWS © 2018

LEAVE A REPLY

Please enter your comment!
Please enter your name here