Home nasional Élia: Dívidas MS Nian Selu Remata Ona

Élia: Dívidas MS Nian Selu Remata Ona

259
0
SHARE
Vise Ministra Saude, Elia Amaral

By: Hortencio SANCHES

THETIMOR-NEWS.com, DILI – Vise Ministra Saude (MS) Dra. Élia A. A. dos Reis Amaral informa, Dívidas ne’ebe hahu husi Governu anterior iha MS konsege selu remata ona liu hosi Orsamentu Jeral Estadu (OJE) 2018.

Governante ne’e, afirma ezekusaun OJE 2018 iha Ministeriu ne’ebe nia lidera daudauk ne’e atinji ona 80,1%.

Vise Ministra Saude, Elia Amaral

“Hanoin Dívidas selu hotu ona, maibe sei selu to final iha Outubru ou Novembru liu hosi OJE 2018 nian,” dehan Dra. Élia ba THETIMOR-NEWS iha Hotel Timor Dili, Kinta (15/11/2018).

Alende ne’e, relasiona ho preokupasaun ne’ebe akontese husi pasiente Timoroan hirak ne’ebe halo hela tratamentu iha Bali Indonezia Dra. Élia hatete kestaun finansas. Tanba ne’e Governu konsege resolve ona.

“Problema iha Bali ne’e kestaun kona ba finanseiru laos dehan Governu la selu lae, Governu sei selu, kestaun tanba ita iha kontratu ho Ospital sira oinsa mak ita halo transfere pasiente ne’ebe espesifiku liu ita labele trata tenke haruka duni ba ne’eba hodi tulun, maibe problema uitoan tanba deit adendu ne’ebe iha sira atraja tia halo renovasaun selu fila fali tanba adendu ne’e mate tia iha Outubru, entaun pagamentu ba pasiente sira hosi Outubru Novembru tenke iha adendu foun, ne’ebe ida ne’e Diretor Ospital haruka ona adendu ne’e ba Sangla hau mos simu ona adendu ne’ebe konkordu halo pagamentu ba dividas anterior sira,” dehan Dra. Élia.

Editóra: Agida DOS SANTOS I COPPYRIGHT THETIMORNEWS © 2018

LEAVE A REPLY

Please enter your comment!
Please enter your name here