Home dezenvolvimentu Numeru Kaben Sedu As iha Timor – Leate

Numeru Kaben Sedu As iha Timor – Leate

1824
0
SHARE
Diliyana Date Ximenes, Reprezentante Directora PLAN Timor - Leste. Photo: TTN/Hortencio Sanches

By: Hortencio SANCHES

THETIMOR-NEWS.com, DILI – Tuir dadus ne’ebe Ministeriu Saude no Plan Internacional rekoilla iha Timor – Leate hatudu juventude barak ne’ebe ho idade minoria kaben sedu.

Tanba ne’e, Ministeriu saude, Plan internasional, Sentru Juventude Timor- Leste (CNJTL) no ONG internadional balun oraganiza sosializasaun ho Juventude estudante husi ensinu sekundaria no superior iha Dili laran oinsa bele kompriende atu labele kaben sedu.

Luisa Maria hanesan reprezebtante diresaun nasional saude reprodutivu Ministeriu Saude hatete, kona ba saude reprodutivu ba idade minoria Ministeriu Saude halo ona edukasaun siviku hodi fahe informasaun ba juventude hotu iha nasaun ne’e.

“Objetivu mak atu hamenus isin rua sedu, moras HIV ne’ebe kona ba iha foinsae sira, maibe iha tinan hirak liu ba ita hare katak dadus hatudu isin rua sedu iha foin sae sira as tebes,” dehan Maria ba Jornalista iha salaun CNE Dili, Kuarta (14/11/2018).

Nia haktuir, numeru isin rua sesu sae makas iha munisipiu, Bobonaro, Ermera, Oekuse, Covalima no seluk tan.

“Dadaus hatudu iha ne’eba besik 4% kiikoan sira hetan isin rua sedu, ho ida ne’e Ministeriu Saude ho nia papel halo advokasia ka fahe informasaun iha eskola no juventude sira nia leet no inan aman sira bele enkoraja no foti dezisaun ba sira nia an,” dehan Maria.

Iha fatin hanesan, Reprezentante Country Director Plan internasional TL Diliyana Daten Ximenes akresenta, realidade hatudu duni Timor Leste numeru isin rua sedu as bazea ba dadus ne’ebe sira peskiza iha munisipiu Ainaro, Covalima, Ermera Liquica no seluk tan.

“Nune’e mak ohin loron ami hamutuk ho CNJTL halo sosializasaun ne’e hodi komemora loron 12 de Novembru ne’ebe liu liu ba, ho objetivu atu konvoka hanoin ne’ebe mak intelizenti pasiensia ba ita nia juventude sira liu-liu feto ho mane,” dehan Nia.

Nia hatutan, Moris buras ne’ebe ema hotu hakarak mak saude ne’ebe saudavel no hadok an hosi moras.

“Hare ba kaben sedu ne’ebe akontese barak bele prezudika ba foinsae sira nia futuru, tanba ida ne’e mak ami nia programa servisu hamutuk ho CNJT MS atu nune’e bele hare oinsa bele hamenus,” dehan Diliyana.

 Editóra: Agida DOS SANTOS I COPPYRIGHT THETIMORNEWS © 2018

LEAVE A REPLY

Please enter your comment!
Please enter your name here