Home dezenvolvimentu UNICEF Hametin Koperasaun ho MS

UNICEF Hametin Koperasaun ho MS

71
0
SHARE

By: Hortencio SANCHES

THETIMOR-NEWS.com, DILI – Vise Ministra Saúde ba Kuidadu Saúde Primária no Ministra Saúde em Exercício dr. Élia A.A. dos Reis Amaral halao reuniaun ho reprezentante UNICEF Valerie Taton hodi koalia hametin koperasaun servisu entre Ministeriu Saude ho UNICEF iha Timor – Leste.

Sorumutu ne’e halao 13 Novembro 2018 iha Palácio das Sinzas, Caicoli, Díli.

Iha enkontru kortezia ne’e ko’alia kona-ba serbisu kooperasaun entre UNICEF ho Ministériu Saúde liu-liu iha serbisu apoiu ne’ebé organizasaun halo durante ne’e no diskuti mós kona-ba Plano no Programa sira ne’ebé atu halo ba oin.

“Enkontru ohin ne’e ami ko’alia kona-ba kooperasaun entre UNICEF ho MS liu-liu iha apoiu Saúde materno, nutrisaun nomos saneamentu” dehan Sra. Valerie Taton hafoin enkontru.

Apoiu ne’ebé UNICEF halo iha setor Saúde durante tinan barak atu hadi’a no hasa’e programa nutrisaun, apoiu ba fornesimentu promosaun ba materiais ne’ebé kobre ba área sira hanesan nutrisaun, bee moos no saneamentu no Saúde maternu infantil.

Serbisu apoiu UNICEF ba MS ne’e mós haforsa kapasitasaun iha nível komunitária no apoiu sistema Saúde iha Minitériu Saúde.

Husi sorin seluk Vise Ministra ba Kuidadu Saúde Primári agradese ba apoiu UNICEF nian  hanesan parte ida atinji mós eliminasaun ba moras Sarampo no Kontrola Rubela iha Timor-Leste.

 Editóra: Agida DOS SANTOS I COPPYRIGHT THETIMORNEWS © 2018

LEAVE A REPLY

Please enter your comment!
Please enter your name here