Home dezenvolvimentu Selebra 12 Novembru, MS Loke Konsulta Jeral Iha St. Cruz

Selebra 12 Novembru, MS Loke Konsulta Jeral Iha St. Cruz

31
0
SHARE
Mediku sira halo hela tratamentu ba pasiente sira. Photo: Media /GMS

By: Hortencio SANCHES

THETIMOR-NEWS.com, DILI – 12 Novembru hanesan loron istoriku ne’ebe Timoroan hotu selebra, tanba hosi loron ne’e mak loke mundu internasional nia matan ba luta Timor – Leste nian.

Tanba ne’e, Ministériu Saúde serbisu hamutuk ho Komisaun Organizadora selebrasaun Massacre 12 Novembru ba dala 27,  hodi hala’o konsulta jeral ida iha Santa Cruz, Sabadu (10/11/2018).

Konsulta refere ho tema, “Ho Espiritu Patriotismo no Nasionalismu 12 de Novembro, Ita Kontribui ba Dezenvolvimentu Nasional Liu Husi Moris Saudavel.”

Konsulta Jeral ne’e halo ba ema hotu nomós haree liu-liu ba mós maluk sobrevivente 12 de Novembru sira ne’ebé karik iha kondisaun saúde ladun di’ak bele halo tratamentu.

Tratamentu gratuita ne’ebé ohin halo iha Santa Cruz ne’e mak kona-ba matan, nehan, teste ba tipo de sangue ka hasai ran hodi hatene ita nia tipu ran, halo mós asaun promosaun sira konaba saúde oral no tratamentu seluk tan.

Total ema ne’ebé mak  konsulta iha programa ne’e kuaze liu ema rihun ida.

Enkuantu, programa ne’e laos halo deit iha Dili maibe, iha mos munisipiu sira seluk.

 Editóra: Agida DOS SANTOS I COPPYRIGHT THETIMORNEWS © 2018

LEAVE A REPLY

Please enter your comment!
Please enter your name here