Home nasional PN fó Fiar Jesunia Maria Lidera PDHJ

PN fó Fiar Jesunia Maria Lidera PDHJ

46
0
SHARE
Jesunia Maria Fereira Gomes

By: Hortencio SANCHES

THETIMOR-NEWS.com, DILI – Parlamentu Nasional fo ona konfiansa ba Jesunia Maria Fereira Gomes hodi lidera Provedoria Direitu Umanu no Justisa (PDHJ) durante tinan hat.

Jesunia eleitu liu hosi sesaun plenaria no manan ho votus maioria iha segunda ronde  ho votu 38 ne’ebe konkore ho Horacio de Almeida ho votu 23 hosi deputadu 61 ne’ebe marka prezensa.

Antes iha eleisaun primeiru, Aniceto Neves hetan votu 0, Filipe Pereira 2, Florindo Jose Cristovao 0, Henrique Oliveira 0, Horacio Almeida 20,Isabel Fereira 3, Jaime Xavier 0, Jesunia Maria Fereira 31, Jose Luis Oliveira 1, Jose da Consecao 0, Nivio Leite Magalhaes 3, Silveiro Pinto 0 no votu nulu 1 hamutuk 61.

Jesunia eleitu hodi substitui Silveiro Pinto ne’ebe mandate remata iha 30 Outubru liu ba kotuk no Jesunia sei simu posse iha tempu badak.

Ema numeru ida iha PDHJ ne’e hasai nia kursu mestradu iha administrasaun Publika, iha Universidade Hawaii Manoa Estadu Unidu Amerika (EUA) iha 2002 to 2004.

Kareira servisu, iha loron 14 Janeiro 2015 hetan nomeiasaun hosi Prezidente Parlamentu Nasional hanesan Provedoria Ajunta ba area Boa Governasaun.

Nune’e, 2012 nomeiada hanesan komisaria singular ba assuntu sira ne’ebe ho formasaun ba funsionariu Publiku nomos hanesan formadora iha INAP.

Iha 2000, hanorin jestaun publika iha Universidade Nasional Timor Lorosa’e (UNTL) hafoin kontinua estudu iha EUA no fila mai Timor servisu ona iha instituisaun oi-oin.

Editóra: Agida DOS SANTOS I COPPYRIGHT THETIMORNEWS © 2018

LEAVE A REPLY

Please enter your comment!
Please enter your name here