Home nasional Governu Promete Buka Dalan Reativa Artemarsaiais

Governu Promete Buka Dalan Reativa Artemarsaiais

84
0
SHARE
Ministru Reforma Lejislativa no Asunto Parlamentar. Fidelis Magalhaes. Photo: TTN/Hortencio Sanches

By: Hortencio SANCHES

THETIMOR-NEWS.com, DILI – Governu liu hosi Ministru Reforma Lejislativa no assuntu Parlamentar (MRLAP) Fidelis Magalhaes hatete, oras ne’e daudaun Governu buka dalan oinsa kontaktu ho lider masimu Artemarsiais hotu nune’e bele reativa hikas fali Arte Marsiais hirak ne’ebe durante ne’e bandu hela labele halo aktividade.

Ministru ne’e afirma, sei la haluha komprimisiu hirak ne’ebe koalia ona iha tempu kampaina. Tanba ne’e lidera ona Governu sira nia parte sei buka dalan hodi kria kondisaun atu nune’e joven hotu bele moris iha paz no hakmatek.

“Hau rasik iha ona kontaktu ho lider masimu arte marsiais sira hotu iha teritoriu Timor laran tomak atu buka dalan sedu ba ida ne’e, mabe ita sei hare uluk ba Orsamentu Jeral Estadu ne’ebe Janeiru ita bele konsentra ba asuntu hirak ne’e,” dehan Fidelis iha Parlamentu Nasional, Segunda (05/10/2018).

Nia haktuir tan, “Lolos ne’e assuntu hirak ne’e koalia ona, maibe ita sei sibuk ba programa orsamentu entaun ida ne’e Janeiru foin bele koalia.”

Arte Marsiais hirak ne’ebe Governu bandu la halo aktividade durante ne’e mak hanesan, PSHT, Kera Sakti no KORK.

Editóra: Agida DOS SANTOS I COPPYRIGHT THETIMORNEWS © 2018

LEAVE A REPLY

Please enter your comment!
Please enter your name here