Home dezenvolvimentu Membru KAI Hitu Vizita Timor-Leste

Membru KAI Hitu Vizita Timor-Leste

38
0
SHARE

By: Fidelio RAMOS

THETIMORNEWS.com, DILI – Hafoin Eis Primeiro Ministru VI Governu Konstituisional  Rui Maria de Araujo iha fulan jullu 2017 nomeia tiha membru konsellu Assesoria Internasional (KAI) ba Centro Nacional Chega (CNC)  hamutuk  na’in 9 iha rai-liur, maibe iha fim de outubro 2018, Membru konsellu Assesoria Internasional hirak ne’e halo  vizita ofisial dahuluk mai Timor-Leste hodi hasoru Malu ho Prezidenti Republika (PR) Francisco Guterres Lu-Olo.

Husi  konsellu Assesoria Internasional 9, maibe 7 mak vizita Timor-Leste, enkuanto 2 seluk labele mai Timor,tanba antes ne’e sira iha ona opontamento ne’ebe presiza sira nia prezensa. Nain hirak ne’e sei hela iha Timor-Leste durante loron 5 komesa husi loron 28 outubru to’o 1 Novembru 2018.

Membru 7 ne’ebe mai Timor hanesan, Bispu Gunnar Stalsett  (Noruega), Galuh Wandita Soedjatmoko  (Indonezia), Pat Walsh  (Australia), Trudy Huskamp Peterson  ( Estadus Unidos Amerika), Marisa Ramos Goncalves  (Portugal), David Webster  (Kanada), Akihisa Matsuno  (Japaun). Enkuantu  2 mak ,Janelle Saffin (Australia), Father Michael Lapsley (Afrika Sul).

Reprezentante KAI Akisa Matsuno hatete, membru sira ne’e  iha konesimentu no esperiensia ne’ebe diferente, sei ajuda Centro Nacional Chega iha desenvolvimentu instituisional nu’udar instituisaun direitus umanus ida atu alkansa resultadu ne’ebe estabelese ona iha planu estratejiku 2018-2022. Alende ne’e atu ajuda CNC  iha prosesu internasionaliza relatoriu CAVR no CVA.

Durante hela iha Timor-Leste, Assesoria Internasional sira hamutuk ho membru konsellu administrasaun no ezekutivu centro chega halo revizaun ba dezenvolvimentu institusional,dezenvolve planu estratejia no planu asaun ba internalizasaun chega sai panelista no orador iha seminariu balun ne’ebe organiza husi centro chega kona-ba “Justisa Tranzisional,Rezulusaun Konflitu No Rekonsiliasaun” no “ Prezerva Memoria Pasadu no Arkivu nu’udar Justisa Istoriku”’no sei komemora Aniversariu Relatoriu chega ba dala –XIII.

“Ohin ami mai hasoru uluk Prezidenti Republikania mos pronTu fo mos apoiu  tomak ba CNC,” dehan Akisa ba Jornalista hafoin remata sorumutu ho Xefe Estadu iha Palacio Prezidensial Bairu-Pite, Tersa (30/10/2018).

Alende ne’e sei halo inkontru kortejia Primeiru Ministru (PM) Taur Matan Ruak no Ministra Solidaridade Sosial no Inkluzaun Armanda Berta dos Santos.

Editóra: Agida DOS SANTOS I COPPYRIGHT THETIMORNEWS © 2018

LEAVE A REPLY

Please enter your comment!
Please enter your name here