Home dezenvolvimentu Tinan Oin Sei Aumenta Tan Prokurador Lima

Tinan Oin Sei Aumenta Tan Prokurador Lima

84
0
SHARE
PJR Jose Ximenes. Photo: TTN/Fidelio Ramos

By: Hortencio SANCHES

THETIMOR-NEWS.com, DILI – Prokuradoria Jeral Republika (PJR) Jose Ximenes hatete, tinan oin sei aumenta tan Prokurador nain lima hodi bele halo servisu Ministeriu Publiku diak liu tan.

“Ami aprezenta ba ita nia Governu osan total hamutuk 4.9 ital, osan hirak ne’e ami husu adisional ba iha salaries vensimentu hamutuk 490 ital, adisional ida ne’e ita husu tanba tinan oin aumenta tan prokurador nain lima tan no prokurador ne’ebe kompleta ona tinan hat sei promove ba primeira klase iha tinan oin,” dehan Jose ba Jornalista iha Ministeriu Finansas Dili, Kinta (25/10/2018).

Nia afirma, oras ne’e daudaun ofisial justisa lubuk ida ne’ebe iha ona progresaun sei iha impaktu salarial. Tanba ne’e PJR husu orsamentu 200 ital inklui servisu extraordinariu no orsamentu 1.4 naton ba sira hodi halo servisu durante 2019.

Alende ne’e nia dehan, sei hari tan prokuradoria ida iha munisipiu Lautem nune’e bele hakbesik liu tan Justisa ba komunidade sira ne’ebe iha planu estrateziku Justisa hatur ona.

Editóra: Agida DOS SANTOS I COPPYRIGHT THETIMORNEWS © 2018

LEAVE A REPLY

Please enter your comment!
Please enter your name here