Home dezenvolvimentu PTR Husu Governu Aumenta Orsamentu Tribunal

PTR Husu Governu Aumenta Orsamentu Tribunal

61
0
SHARE
Prezidente Tribunal Rekursu Deolindo dos Santos. Photo: TTN/Hortencio Sanches

By: Hotrtencio SANCHES

THETIMOR-NEWS.com, DILI – Prezidente Tribunal Rekursu (PTR) Deolindo dos Santos informa, Orsamentu Jeral Estadu (OJE 2019 ne’ebe Governu aloka ba Tribunal la to’o ba sira hodi halo servisu. Tanba ne’e husu atu aumenta orsamentu refere nune’e bele fasilita diak liu tan servisu Orgaun ne’e diak liu ba oin.

“Ohin Tribunal Rekursu mai halo aprezentasaun ba Komisaun verefikasaun Orsamental ne’ebe lidera hosi Primeiru Ministru, ne’e ma kami hato’o ona informasaun kona ba orsamentu ne’ebe hahu iha 2019, ne’ebe orsamentu ne’e ba Tribunal iha 3 mil resin, hanoin ida ne’e la to’o ba ami hodi halo servisu,” dehan Deolindo ba Jornalista iha Ministeriu Finansas Dili, Kinta (25/10/2019).

Nia dehan, sira mos iha pedidu adisional ba kapital dezenvolvimentu nune’e bele hare ba hari Tribunal Dili ne’ebe ho montante 14 miloens no sei liu hosi Ajensia Governu nian mak sei jere orsamentu refere.

“Pedidu adisional sira ne’e ami halo no fo justifikasaun nusa makami halo ba pedidu OJE 2019 nian,” dehan Deolindo.

Nia haktuir, bainhira Tribunal halo aprezentasaun ba Governu kona ba OJE 2019 iha asuntu tolu ne’ebe importante mak hanesan, kapasitasaun rekursu umanus ne’ebe koalia mos kona ba infrastrutura no administrasaun.

“Assuntu hirak ne’e mak importante ba Tribunal atu halo no ohin aprezenta ona ba Governu,” dehan Deolindo.

Editóra: Agida DOS SANTOS I COPPYRIGHT THETIMORNEWS © 2018

LEAVE A REPLY

Please enter your comment!
Please enter your name here