Home dezenvolvimentu CONTL Husu Xefi Estadu Tau Matan ba Atleta Difisienti

CONTL Husu Xefi Estadu Tau Matan ba Atleta Difisienti

66
0
SHARE

By: Fidelio RAMOS

THETIMOR-NEWS.com, DILI –  Prezidenti Comite Olimpico Nasional Timor-Leste (CONTL) Julio Saramento Lopes apela ba Prezidenti Republika (PR) Francisco Guterres Lu-Olo atu kontinua tau atensau hodi apoiu ekipamentus ba atleta sira.

“Hau husu ba nai Prezidenti bele fo apoiu nafatin ba aleta sira  atu nune’e sira bele  mantein talentu hodi ba kompete iha eventu tuir mai,” dehan Prezidenti CONTL Julio iha diskursu ba seremonia intrega sertifikadu ba atleta Teofilo no Pascoela iha salaun Xina Prezidensial Bairu-Pite, Segunda (22/10/2018).

Relasiona ho preokupasaun ne’ebe mak agora atleta hasoru Prezidenti Republika  hein katak, iha tempu badak, komisaun nasional desportu no Governu Timor-Leste sei haree hamutuk oinsa  mak bele  kompensa lalais esforsu hosi atleta Teofilo no atleta Pascoela, iha mundu desportivu, ho premiu-osan ba ida-idak, tuir kritériu sira ne’ebé tama iha diploma Ministerial No. 7/2017, 21 Marsu.

“Ukun-an, iha 2002, ita harii kedas Sekretariu Estadu no Juventude no Desportu. To’o ohin loron, governu ne’ebe de’it, sempre iha entidade ruma hodi tau matan ba desportu,” dehan Xefi Estadu.

Tanba ne’e Lu-Olo esplika, Iha tinan 2010, Estadu Timor-Leste hatur Lei-de-Bazes ba desportu ne’ebe estabelese oinsa harii sistema desportivu no kondisaun hodi hala’o no haburas atividade desportiva. Iha tinan 2011, liuhosi dekretu-lei 39/2011, IV Governu harii komisaun nasional desportu, no entidade ne’ebe mak, hamutuk ho Govenu Timor-Leste,hodi tau matan ba desportu.

Lei-de-Bazes ba desportu temi de’ it katak Estadu sei fo apoiu ba federasaun desportu maibe la temi premiu ba atleta ida-idak.

Editóra: Agida DOS SANTOS I COPPYRIGHT THETIMORNEWS © 2018

LEAVE A REPLY

Please enter your comment!
Please enter your name here