Home dezenvolvimentu FRETILIN Kontra Grupu Individu Impede Konstrusaun Estrada Ermera

FRETILIN Kontra Grupu Individu Impede Konstrusaun Estrada Ermera

568
0
SHARE
Deputadu Antonio dos Santos "55" Photo media/Bankada FRETILIN

By: Hortencio SANCHES

THETIMOR-NEWS.com, DILI – Bankada FRETILIN iha uma fukun Parlamentu Nasional (PN) liu hosi deputadu Antonio dos Santos “55” husu ba komunidade Ermera tomak atu hamutuk apoiu dezenvolvimentu ne’ebe halo iha Ermera laran no rejeita aktu saida deit mak halo impedimentu ba konstrusaun hirak ne’ebe lao iha munisipiu refere.

Reprezentante povu ne’e hato lia hirak ne’e liu hosi komunikadu imprensa hodi hatan ba akontesimentu foin lalais mosu iha Ermera liu hosi individu balun ne’ebe halo grupu hodi refere ba sira nia an rasin hanesan veteranus rejiaun VI no Juventude Ermera hodi halo impedimentu ba prezensa ajensia Internasional ADB (Banco Aziatiku de Dezenvolvimentu) ne’ebe atu kaer obra Estrada ligasaun Ermera vila Fatubessi.

“Estrada hosi Ermera antiga ba Fatubessi importante tebes bakomunidade iha area ida ne’e, Estrada ne’e sei ajuda ekonomia ermera oan sira nian loke assesu ba transporte ba merkadu no atividade merkadu nian, ita labele kontinua ho Estrada ne’ebe laiha kondisaun,” dehan deputadu “55” liu hosi komunikadu imprensa ne’ebe THETIMOR-NEWS assesu, Kinta (17/10/2018).

Tanba ne’e, nia la admite ema se deit no grupu ne’ebe deit halo impedimentu ba projeitu bo’ot sira tama iha Ermera.

“Hau veterenus rejiaun VI nian, hau la rekoinese ema sira ne’e, veteranus agora hamutuk apoiu dezenvolvimentu atu hasai povu hosi kiak no mukit no lori Timor – Leste ba independensia lolos politika bele la hanesan maibe hanesan veteranus ami sei la impede dezenvolvimentu,” dehan deputadu ne’e.

Entretantu fo hanoin hikas, Estrada ligasaun Ermera antiga ba Fatubessi tama iha projeitu koperasaun entre Timor – Leste ho Uniaun Europeia (UE) no Finansiamentu mai hosi UE, ADB nudar parseiru implementador no kompania Shanghai Construction Grup hosi China mak ezekuta konstrusaun refere.

Editóra: Agida DOS SANTOS I COPPYRIGHT THETIMORNEWS © 2018

LEAVE A REPLY

Please enter your comment!
Please enter your name here