Home dezenvolvimentu Sosa Saham ConocoPhilips 30%, Ohin Xanana Hasoru Lu-Olo

Sosa Saham ConocoPhilips 30%, Ohin Xanana Hasoru Lu-Olo

1463
0
SHARE
Prezidente Republika klaer liman ho Xefi Negosiador Fronteira Maritima, Kay Rala Xanana Gusmao.Photo: Media/GPR

By: Fidelio RAMOS

THETIMOR-NEWS.com, DILI – Xefe Negosiador prinsipal Fronteira Maritima Kay Rala Xanana Gusmão hasoru malu ho Prezidenti Republika (PR) Francisco Guterres Lu-Olo hodi diskuti Sosa Saham Conocopilips 30% ne’ebe mak foin lalais asina ona iha Bali Indonezia.

“Ohin ami hasoru malu kolia kona ba akontesementu sosa saham no prosesu Fronteira Maritima, tanba ne’e mak hau husu fila ba senor Xanana bainhira atu fila fali mai tenki aprezenta relatotiu ida mais kompletu no posivel kona ba prosesu hirak ne’e hotu para ita diskuti nune’e para ita bele hatene klean liu tan,” dehan PR Lu-Olo ba Jornalista iha Hotel Novo Turismo, Kinta (11/10/2018).

Lu-Olo haktuir, iha hasoru malu ne’e diskuti los deit kona ba oinsa sosa saham ConocoPhilips no lakoalia assuntu seluk kona ba membru Governu 9 ne’ebe to agora sei pendent.

Entretantu, tuir informasaun ne’ebe espalla daudauk ona katak membru Governu pendent balun halo ona knar.

Tanba ne’e, Xefi Estadu dehan seidauk iha informasaun kona ba mebru hirak ne’ebe halao ona funsaun maski seidauk simu posse hosi Prezidente Republika.

“Hau siedauk iha informasaun lolos kona ba ida ne’e husu dehan sira balun halo ona servisu ida ne’e hau seidauk hatene” dehan nia.

Editór: Hortencio SANCHES I COPPYRIGHT THETIMORNEWS © 2018

LEAVE A REPLY

Please enter your comment!
Please enter your name here