Home dezenvolvimentu Lidera CCI-TL, Claricia Lay Hakarak Dezenvolve Liu Munisipiu

Lidera CCI-TL, Claricia Lay Hakarak Dezenvolve Liu Munisipiu

724
0
SHARE
Claricia Lay, Owner Jacinto Group.

By: Hortencio SANCHES

THETIMOR-NEWS.com, DILI – Emprezaria feto Timoroan Claricia Lay ne’ebe daudauk ne’e kandidata an hodi compete ba Prezidente Camara Comerciu Industria Timor – Leste (CCI-TL) promote bainhira manan iha kongresu da-toluk ne’ebe realiza iha Hotel Novo Turismo Dili hakarak dezenvolve liu iha munisipiu atu nune’e bele hakbesik ekonomia ba povu tomak.

Nain ba Jacinto Grup ne’e afirma, Dezenvolvimentu ekonomia iha area barak presiza  hadia diak liu nune’e bele fo rendimentu ba nasaun.

“Durante ne’e hau hare, iha area barak mak ita presiza tebes atu hadia hodi servisu makas liu no kolaborasaun diak liu ho Governu, internasional merkadu no mos hasae kapasidade ba assosiasaun munisipiu nune’e bele oinsa sira atu investe liu iha area kuda hanesan, agrikultura hortikulturas, iha mos area turismu no area barak liu tan mak ita presiza hadia diak liu tan,” dehan Calaricia ba Jornalista iha Novo Turismo, Kinta (11/10/2018).

Tanba ne’e nia dehan, tempu to’o on aba emprezaria feto lidera organizasaun CCI-TL nune’e bele kopera hamutuk ho mane sira hodi halo investimentu ne’ebe diak liu iha Timor – Leste.

“Nune’e mak hau halo ona livru ida, aban hau sei fahe, iha ne’eba ne’e iha piramida, iha baze kraik mak presiza hasae, kuandu hau manan iha aban, hau sei servisu makas atu kria barak kampu traballu ba joven sira iha munisipiu,” dehan Claricia.

Emprezaria ne’e, hahu involve an iha CCI-TL hahu 2003 okupa kedan pozisaun hanesan tezoreira, nune’e hanesan mos Prezidente Konsellu Fiskal.

Hafoin tama ba 2014-2018 Claricia Lay hetan fiar hodi asumi kargu hanesan Primeira Vise Komersiu Industria Koperativa no agora daudaun kandidata an ba Prezidente CCI-TL.

Editóra: Agida DOS SANTOS I COPPYRIGHT THETIMORNEWS © 2018

LEAVE A REPLY

Please enter your comment!
Please enter your name here