Home dezenvolvimentu Governu Kontente Hare Relatoriu ZEEMS

Governu Kontente Hare Relatoriu ZEEMS

5984
0
SHARE
Primeiru Ministru Taur Matan Ruak. Photo: spesial

By: Hortencio SANCHES

THETIMOR-NEWS.com, DILI – Governu liu hosi Primeiru Ministru (PM) Taur Matan Ruak informa, sente kontente hare Prezidente Reziaun Administrativu Espesial Oekuse Ambenu (RAEOA) ZEEMS Mari Alkatiri ho nia ekipa halo aprezentasaun ba relatoriu servisu ne’ebe durante ne’e halao iha Oekuse.

Xefi Governu afirma, iha relatoriu ne’ebe aprezenta iha reuniaun Konsellu Ministru ne’e iha duni benefisiu ba dezenvolvimentu nasaun nian liu-liu iha area infrastrutura edukasaun, saude no seluk tan.

“Ami kontente los ho Dr. Mari nia aprezentasaun ba relatoriu ne’ebe durante ne’e nia halo servisu iha asuntu lubuk ida ne’ebe hanesan dezenvolvimentu infrastruturas eletrisidades no atividades sira seluk tan,” dehan PM Taur ba Jornalista hafoin remata sorumutu ho Prezidente Republika (PR) Francisco Guterres Lu-Olo iha Palacio Presidensial Bairu Pite, Kinta (04/10/2018).

Lider ne’e dehan, liu hosi relatoriu ne’ebe aprezenta nune’e bele halo Governu sentral iha ideia konaba saida mak oras ne’e daudaun lao hela iha Oekuse.

“Governu mos sei hare kona ba prestasaun kontas konaba orsamentu ne’ebe simu to’o agora no ida ne’ebe ezekuta ona diak los, maibe Governu aprezenta mos ba autoridade katak tuir Tribunal de kontas katak Governu labele avansa osan ba Oekuse bainhira seidauk ezekuta to’o 50% maibe sira liu ona 50% to ona 65% ne’e signifika tenke haruka osan ba,” dehan PM Taur.

Tanba ne’e, Governu sei estuda hela dokumentus hotu hosi ZEEMS nune’e bele haruka osan hodi kontinua halo aktividade.

Editóra: Agida DOS SANTOS I COPPYRIGHT THETIMORNEWS © 2018

LEAVE A REPLY

Please enter your comment!
Please enter your name here