Home nasional PR Lu-Olo Simu Vizita Veteranus Australia

PR Lu-Olo Simu Vizita Veteranus Australia

27
0
SHARE
Veteranu Australia wainhira halo vizita ba Munisipiu Manufahi. Photo: Facebook

By: Fidelio RAMOS

THETIMOR-NEWS.com, DILI – Presidenti Republika (PR), Francisco Guterres “Lu-Olo” simu veteranu sira hosi Australia ne’ebe halo vizita servisu mai Timor-Leste.

Vizita veteranus Australia ne’e mos fo hanoin fila fali ba PR Lu-Olo kona ba forsa Australia nia apoiu durante iha prosesu luta segunda guerra mundial, nune’e bele hametin diak liu tan paz iha mundu.

“Ha’u sempre simu Veteranus Austrália ho  Ita-Boot sira-nia prezensa bele fó-hanoin fila fali mai ha’u, no ba hau nia  aman no maluk sira seluk ne’ebé fó kedas apoiu, durante Segunda Guerra Mundial, iha ami-nia rain, atu harii fila fali páz iha mundu,” dehan PR Lu-Olo iha nia diskursu iha salaun Palacio Prezidensial Bairu-Pite, Segunda (10/09/2018).

Xefi Estadu ne’e hatete, iha ita-nia luta libertasaun nasionál ne’e   simu apoiu konsistente no persistente husi eis-Kombatentes barak Segunda Guerrra Mundial nian no mós husi sira-nia família.

“Maske lala’ok ki’ik maibé halo beibeik, iha tinan barak nia laran,  hamutuk ho komunidade Timorense hodi konsege mobiliza opiniaun públika Australiana hodi apoiu povu Timor-Leste ninia hakarak,” dehan PR Lu-Olo.

Tuir nia dehan, ema rihun ba rihun ne’ebé halo manifestasaun iha Setembru 1999, no INTERFET tama iha Timor-Leste, mai husi solidariedade furak no amizade ne’ebé harii no hametin iha tempu ne’ebe hahú  kedas liu husi Segunda Guerra Mundial.

“Veteranu ida ho otas boot liu,  husi Austrália, husi grupu veteranus ne’ebé mai Timor-Leste, iha Segunda Guerra Mundiál, Senhor Alexander Ian Hampel, sobrevivente mesak ne’ebé sei moris, se ha’u la sala, husi Ro ne’ebé hetan tiru  husi forsa japoneza no mout iha Betano, iha Setembru 1942.  Nia vizita Timor-Leste ho ona  otas 95 no ida ne’e  signifikadu  espesiál tebtebes ba   faze  ohinloron rekonstrusaun país nian,” dehan aman nasaun ne’e.

Veteranus Australia ne’e lidera hosi Alexander Ian Hamper, no akompana hosi embaixador Australia Peter Roberts.

Editóra: Agida DOS SANTOS I COPPYRIGHT THETIMORNEWS © 2018

 

LEAVE A REPLY

Please enter your comment!
Please enter your name here