Home nasional Opozisaun Husu Governu Buka Dalan Lori Fila Emilia Pires

Opozisaun Husu Governu Buka Dalan Lori Fila Emilia Pires

854
0
SHARE
Eis Ministra Finansas Emilia Pires. Photo: Spesial

By: Hortencio SANCHES

THETIMOR-NEWS.com, DILI – Bankada opozisaun FRETILIN iha uma fukun Parlamentu Nasional liu hosi deputadu Marito Mota bainhira Diskusaun ba Orsamentu Jeral Estadu (OJE) 2018 husu ba Governu liu-liu Ministeriu Justisa no Ministeriu Negosiu Estranjeiru no Koperasaun buka dalan nune’e bele lori fila eis Ministra Finansas Emilia Pires hosi Portugal mai Timor – Leste hodi kumpri Justisa.

Deputadu ne’e dehan, atu lori fila eis Ministra ne’e Ministeriu rua ne’e mak iha kompetensia ne’ebe masimu hodi halo lobi ho nasaun Portugal.

“Ministeriu Negosiu Estranjeiru iha relasaun diak ho CPLP liu-liu Portugal aproveita kedas ho Ministeriu Justisa ita hanoin sira rua bele halo koperasaun ne’ebe diak hodi lori Fila Emilia Pires mai Timor,” dehan deputadu ne’e iha Plenaria Parlamentu Nasional, Kuarta (05/08/2018).

Reprejentante povu ne’e afirma, hakarak ou lakoi Governsaun ne’ebe lidera hosi Primeiru Ministru Taur Matan Ruak tenke lori Fila Emilia Pires mai Timor – Leste nune’e bele halo diak ba naran VIII Governu.

Entretantu, fo hanoin fali katak duirante ne’e, eis Ministra Emilia Pires deskonfia komete korupsaun no prosesu iha Tribunal lao namanas hela iha tinan hirak liu ba kotuk no Emilia rasik lakoi kopera ho Justisa hodi halai ba Portugal to’o agora la fila.

Hatan ba kestaun ne’e Ministru Justisa Manuel Carseres hatete, buat hotu kompetensia hosi Tribunal no Ministeriu Justisa so bele halo politika oinsa atu buka solusaun.

“Assuntu ne’e iha ona Tribunal, Tribunal kondena tiha ona halo tia rekursu maibe eme ne’e laiha entaun Mnistru Justisa atu halo tan saida, entaun dalan ne’ebe mak Minsteriu Justisa no Estranjeiru halo ne’e mak akordu extradisaun ho nasaun Portugal hafoin lori nia mai, maibe ate agora seidauk halo entaun labele lori nia mai,” dehan Ministru ne’e.

Oras ne’e daudauk, Timor – Leste seidauk iha akordu extradisaun ho nasaun ruma nune’e bele fasilita kaer ema hirak ne’ebe dupla sidadaun bainhira halo kazu ruma halai ba rai liur hodi proteze an hosi Justisa.

Tanba ne’e, laiha dalan atu Governu Timor – Leste ho Portugal servisu hamutu hodi lori fila Arguida Emilia Pires ne’ebe iha Timor – Leste desonfia komete korupsaun no agora daudaun halai ba hela iha Portugal.

Editora: Agida DOS SANTOS COPPYRIGHT THETIMORNEWS © 2018

LEAVE A REPLY

Please enter your comment!
Please enter your name here