Home dezenvolvimentu Ponte Comoro III Inagura Semana Oin

Ponte Comoro III Inagura Semana Oin

1593
0
SHARE
Ministro Obras Publiku Salvador Pires. Photo: TTN/Hortencio Sanches

By: Hortencio SANCHES

THETIMOR-NEWS.com, DILI – Ministru Obras Publiku Salvador S. Pires informa, Segunda semana oin Governu sei halo inagurasaun ba Ponte Comoro III ne’ebe kaer hosi kompania Japan remata ona.

Tuir planu aban tersa  Governu Japaun liu husi Japan International Cooperation Agency (JICA) iha Timor Leste sei intrega obra Konstrusaun Ponte Komoro III ba Governu Timor-Leste.

Maibe tenke adia ba semana oin tan ba oras ne’e daudaun Governu no Parlamentu Nasional okupadu hela ba diskusaun Orsamentu Jeral Estadu (OJE) 2018.

“Hau delega ona vice Ministru atu partisipa iha inagurasaun ne’e, no hasai komvite ba komvidadus sira, hodi partisipa iha termu de entrega ne’ebe sei realiza iha loron tersa (04/09/2018), maibe hau orienta ona vice ministru hodi adia ba segunda Semana oin, nune’e ema hotu bele partisipa, tanba projeto ne’e oferese deit husi Governu Japaun, ne’ebe importante tebes, hau hanesan ministru bele partisipa, tenke hatudu seriedade, agradesementu liu husi prejensa,” dehan  Ministru Salvador S. Pires ba Jornalista sira iha Parlamentu Nasional, Segunda (03/09/2018).

Entretantu, Ponte Komoro III Financia Husi Governu Japaun, ho Valor Orsamento U$ 16.171.610,00. Ponte Komoro III hatur fatuk inan iha dia 17 de Outubro de 2016, obra Grant Aid ne’e financia husi Governu Japaun, liu husi Japan International Cooperation Agency (JICA) iha Timor Leste.

Obra ne’e ho nia valor orsamento hamutuk 1.690.000.000,00 Japones yên ou 16.171.610,00 dollares Americanos, nebe Governu Timor-Leste aloka orsamentu nudar fundu de kontra partida hamutuk 3 milloens.

Ponte ne’e rasik ho nia tipus Girder Box , ho naruk 249 metros ho 6 vãos nebe kompostu husi 2 vãos ho 33,7 metros kada vãos, no 4 vãos sira seluk ho 45 metros , ponte nia largura ho total 11,55 metros, kompostu husi 2 faixas de rodagem ho largura 3,5 metros kada faixa no kompletu ho passeio husi norte mota ain ho 2 metros, no parte sul mota ulun ho 0,75 metros , pavimentação ho sei halo ho betão alcatrão ho berma variavel hosi 0,5 metros to’o 1,5 metros, inklui drenagem ho estruturas komplementares sira seluk.

Obra Ponte Komoro III nia konstrusaun halao husi empresa Tobishima Corporation no actividades servisu halao husi Consultor , Konsorsium INGEROSEC CORPORATION , NIPPON ENGINEERING CONSULTAN CO, LTD I IDEA CONSULTANS, INC.

Periode konstrusaun hamutuk tinan 2 , nebe hahu tiha ona iha 4 de Junho liu ba , no tuir kalendario nebe iha obra ne’e sei remata iha 30 de Agostos de 2018 , obra ida ne’e mos emprega ema hamutuk 88 pessoas nebe kompostu husi ema international ema nain 37 no Timor oan hamutuk 51 pessoas.

Editora: Agida DOS SANTOS COPPYRIGHT THETIMORNEWS © 2018

LEAVE A REPLY

Please enter your comment!
Please enter your name here