Home dezenvolvimentu Deputadu AMP Vota Kontra Proposta Hat Hosi Opozisaun

Deputadu AMP Vota Kontra Proposta Hat Hosi Opozisaun

800
0
SHARE
Deputadu sira iha uma fukun Parlamentu Nasional Photo TTN/Hortencio Sanches

By: Hortencio SANCHES

THETIMOR-NEWS.com, DILI – Proposta hat ne’ebe deputadu Aliansa Mudansa ba Progresu (AMP)/UDT, Frente Mudansa Vota kontra mak hanesan, proposta No. 42, 74, no 75 ne’ebe aprezenta hosi deputadu opozisaun FRETILIN no PD iha debate espesialidade Orsamentu Jeral Estadu (OJE) 2018 ne’ebe aloka ba Ministeriu Prezidensia Konsellu Ministru.

Orsamentu ne’ebe aloka ba Ministeriu Prezidensia Konsellu Ministru (MPKM) ho montante $ 3,635 Miloens.

Tanba ne’e, mak deputadu hosi FRETILIN no PD husu atu redus $400 miloens ba bens no servisus hosi dotasaun inisial mil  $878 ba diresaun nasional administrasaun no Finansas iha ministeriu refere.

Proposta 42 no 74 la pasa ho votus afavor 25, kontra 35 no abstensaun 4. Enkuantu propsta 74 la pasa ho votus afavor 27, kontra kontra 35, abstensaun 2.

Alende ne’e, proposta 75 la pasa ho votus afavor 24, kontra 35 no abstensaun 4.

Entretantu iha proposta 73 husu ba Governu atu redus osan $178 mil hosi dotasaun inisial ho montante $513 mil ne’ebe koloka ba diresaun jeral lojistika no patrimoniu iha MPKM.

Razaun hosi deputadu Opozoisaun sira katak, iha tinan 2017 Governu aloka ona orsamentu ba MPKM ho montante $529 ba diresaun hirak ne’e maibe orsamentu hirak ne’e gasta remata laiha justifikasaun.

Ho nune’e, iha tinan 2018 Governu aloka orsamentu ne’ebe bo’ot ba Ministeriu refere, deputadu sira hosi Opozisaun la asseita hodi husu atu redus.

Nune’e, proposta 75 husu atu Governu tenke redus $900 mil hosi dotasaun inisial 1 milliaun ne’ebe aloka ba kapital menor.

Hatan ba kestaun hirak ne’e, MPKM Agio Pereira esplika, orsamentu hirak ne’e importante tanba atu prioritiza estabelesimentu mobiliariu ba gabinete sira.

“Orsamentu hirak ne’e importante atu estabelese akizasaun mobiliariu ba gabinete foun sira, liu-liu gabinete hirak ne’ebe ministru seidauk toma posse, selu mos dividas sira hosi Timor Telecom $213, 636 mil, selu ba EDTL  $846,240, selu ba telecomcel$47,890.75, fasilita hahan ba reuniaun importante sira iha Konsellu Ministru,” dehan Ministru Agio.

Editora: Agida DOS SANTOS COPPYRIGHT THETIMORNEWS © 2018

LEAVE A REPLY

Please enter your comment!
Please enter your name here