Home dezenvolvimentu Governu Garante Alfandega Sei Aumenta Reseita Domestika

Governu Garante Alfandega Sei Aumenta Reseita Domestika

450
0
SHARE
Vise Ministra Finansas Sara Brites Lobo. Photo: Spesial

By: Hortencio SANCHES

THETIMOR-NEWS.com, DILI – Governu liu hosi Vise Ministra Finansas (MF) Sara Birtes Lobo hatete, Governu kontinua atualiza sistema iha Alfandega nune’e bele hasae reseita domestika nune’e bele asselera prosesu dezenvolvimentu.

Sistema ne’ebe durante Alfandega uza mak hanesan Automated System for Customs data (Asycuda Worid) no sitgas atu kobre reseitas ba estadu.

“Tempu naruk ita uza versaun antigu maibe agora iha prosesu nia laran atu halo  upgrade ba sitgas atu nune’e sistema ne’e bele kaptura dadus no bele iha liu feature, atu bele ajuda lei tributaries hasae reseitas,” dehan Sara iha diskusaun Orsamentu Jeral Estadu (OJE) 2018 faze Espesialidade iha Parlamentu Nasional, Segunda (31/08/2018).

Governante ne’e, halo esplikasaun hodi hatan ba kestaun hirak ne’ebe deputadu sira iha uma fukun Parlamentu Nasional husu relasiona ho progresu reforma fiscal ne’ebe durante ne’e liga ho komprimisiu Governu nune’e bele hasae reseitas.

“Hare ita nia reseitas hosi No-on Petroliferu projesaun istimasaun $143 millaun hanesan numeru ne’ebe laiha mudansa hosi tinan kotuk, maibe kuandu ita atu ultrapasa reseita No-on petroliferu to 200 millaun ita bele ona kobre rubriuka salariu vensimentu tinan ida nian,” dehan Sara.

Vise Ministra ne’e dehan, servisu Alfandega durante ne’e menus rekusu umanus liu-liu iha area autoridade aduaneria no autoridade tributaria. Tanba ne’e ba oin planu ona atu halo rekrutamentu ba funsionariu foun.

Editora: Agida DOS SANTOS COPPYRIGHT THETIMORNEWS © 2018

LEAVE A REPLY

Please enter your comment!
Please enter your name here