Home dezenvolvimentu Povu Timor – Leste 38.7% Sei Moris iha Pobreza

Povu Timor – Leste 38.7% Sei Moris iha Pobreza

471
0
SHARE
Deputada bankada FRETILIN, Maria Angelica Rangel. Photo: TTN/Hortencio Sanches

By: Hortencio SANCHES

THETIMOR-NEWS.com, DILI – Deputada bankada FRETILIN Maria Angelica Rangel informa, tuir inkeritu hosi UNDP iha Timor – Leste deskobre populasaun Timor – Leste maioria 38.7% sei moris iha pobreza externa iha nivel ne’ebe bo’ot.

Deputada ne’e afirma, dadus taxa dezempregu iha Timor – Leste 11% liu. Tanba ne’e Governu tenke iha priopridade atu konbate asuntu refere.

Tuir nia, dezempregu hamosu ki’iak barak iha Timor – Leste no pvu nafatin sai vitima la assesu daik ba dezenvolvimentu ne’ebe agora lao daudaun.

“Iha area investimentu saida mak Governu atu implementa ho orsamentu fundu infrastrutura ne’ebe ita bo’ot sira prevei 392 e 37milioens no reprezenta 37.7 % hosi total orsamentu estadu ne’ebe mak ita bo’ot sira haruka mai, ne’ebe mak tau iha livru 1 katak kapital dezenvolvimentu hamutuk 326.6 milioens  programa Munisipiu 3.1 Milioens no programa ministeriu ou agensia  hamutuyk 3.7 milioens no mos inklui programa imprestimu 61.6 milioens,” dehan Nia Rangel iha Plenaria diskusaun OJE 2018 iha Parlamentu Nasional (PN), Tersa (28/08/2018).

Deputada ne’e akresenta, maski orsamentu gasata makas maibe realidade hatudu Governu seidauk atinji metas no planu ne’ebe Governu rasik trasa.

Tanba ne’e, bankada FRETILIN sujere Governu tenke investe tan iha area hirak ne’ebe seluk atu bele hetan retornu hodi substitui fundu petroliferu ba longu prazu.

“Iha tinan ne’e Governu tau osan ba kapital dezenvolvimentu bo’ot maibe Governu bele ezekuta iha fulan 4 no lima nia laran ou lae, tanba orsamentu 2018 ba tasi mane 6.5 milioens ne’ebe ezekuta ona 30.7 milioens no hela 69.8 milioens dollar ne’ebe tau ona iha livru 1. Kona ba Estrada ita bo’ot sira prevei osan 128. 8 milioens ezekuta ona 45.3 milioens no sei iha valansu 73.3 milioens,” dehan Nina.

Enkuantu kona ba orsamentu imprestimu foun, 61.6 milioens ezekuta ona 17.3 milioens no restu sei iha 39.9 milioens.

“Hosi orsamentu 61.6 milioens ida ne’e, 44 miloens hanesan tetu ida atu implementa projeitu istrada Baucau, Viqueque montante ne’e, inklui obras sivil suprevizaun ho kustu operasional sira seluk, maibe iha Gep ida ho montante 16.6 miloens ne’e atu aloka ba projeitu saida,” dehan deputada ne’e.

Htan ba kestaun hirak ne’e, xefi Governu Taur Matan Ruak hatete, bainhira Governu atu aprezenta lei refere sei hare uluk kapasidade ezekusaun hot-hotu kona ba nesisidade no komprimisiu hirak ne’ebe halo hodi buka solusaun ne’ebe diak ba nasaun ne’e.

“Governu kompromete sei tau nafatin importansia pa projeitu ne’ebe halo tiha ona sei la halo tan projeitu foun, maibe kona ba infrastrutura kontinua tau importansia,” dehan PM Taur.

Enkuantu konaba atu reduz pobreza iha nasaun ne’e, PM Taur dehan, ida ne’e Governu nia obrigasaun hodi tau importansia hodi kria kampo traballu nune’e bele redus kiak no mukit atu ema hotu bele moris ho dignu.

Editora: Agida DOS SANTOS COPPYRIGHT THETIMORNEWS © 2018

LEAVE A REPLY

Please enter your comment!
Please enter your name here