Home dezenvolvimentu PD la Asseita Governu Selu Projeitu 142 Tanba Ilegal

PD la Asseita Governu Selu Projeitu 142 Tanba Ilegal

3769
0
SHARE
Deputadu Bankada PD Adriano do Naciomento. Photo: spesial

By: Hortencio SANCHES

THETIMOR-NEWS.com, DILI – Partido Democratico (PD) liu hosi deputadu Adriano do Nacimento iha diskusaun Proposta lei Orsamentu Jeral Estadu (OJE) 2018 faze da-ruak jeneralidade husu ba Primeiru Ministro (PM) Taur Matan Ruak atu hare didiak no labele selu projetu hamutuk 142 ne’ebe halao iha VI Governu nia tempu tanba konsidera illegal no la tuir prosesu legal.

“Projeitu hirak ne’e hau iha razaun fundamental lima atu rejeita, diretor sekretariadu grande projeitu iha nia surat ho data 3 agosto 2017 identifika ona katak projeitu 142 seidauk tama iha faze planeamentu orsamentasaun no aprovasaun iha Parlamentu Nasional no promulgasaun hosi Prezidente Republika,” dehan Adriano iha Plenaria Parlamentu Nasional (PN), Tersa (28/08/2018).

Nia hatutan, Diretor ne’e haktuir projetu hirak iha lista aneksu ho montante ne’ebe assosia tama hotu iha kategoria projeitu foun seidauk tama iha faze planeamentu orsamentasaun.

“Diretor ne’e rekoinese moa katak, kafi aprova ona hodi halo projeitu hirak ne’e maski seidauk halo kontratu ho emprejariu sira, Direktor ne’e haktuir hodi dehan, tuir sektretariadu grande projeitu nia anliza, mesmu aprova ona iha kafi maibe seidauk halo kontratu tuir lei jestaun finanseira nomos liu orsamentu,” haktuir Adriano.

Parlamentu Nasional iha III lejislatura, IV lejislatura no V lejislatura seidauk aprova osan ba projeitu 142 tanba ladauk tama faze planeamentu maibe projetu halo ona.

“Diretor Notariadu Grande Projeitu hatete katak, mesmu apoiu no aprova ona iha kafi maibe projetu ne’e tama ona iha infrastrutura lei jestaun finanseira no lei OJE 2017, diretor ne’e haktuir hodi dehan, hare ba implikasaun legal ne’ebe Governu sei infrenta iha futuru, Sekretariadu Grande projeitu rekomenda atu projeitu hirak ne’e sei hatam iha orsamentu ratifikativu 2017, defaktu iha agosto 2017 VI Governu la halo ratifikasaun ba orsamentu 2017 tanba eleisaun Parlamentar hotu ona nune’e VII Governu seidauk halo ratifikativu ba OJE 2017 tanba AMP iha momentu ne’eba vota kontra tia orsamentu ratifikativu,” dehan deputadu ne’e.

Htan ba kestaun hirak ne’e, Xefi Governu Taur Matan Ruak dehan, Governu presiza apoiu hotu hosi deputadu sira hodi hare hamutuk.

“Hau sei lembra iha 2013-2014 kuandu iha problema bo’ot baprojeitu bo’ot sira iha tassi mane Parlamentu Nasional hari komisaun enkeritu, momentu ne’eba hau Prezidente Republika hau apoiu los ida ne’e tanba atu hare los, ida ne’ebe mak ita atu selu, ida ne’ebe mak labele selu, tanba hau hatete ba ministru sira katak, kuandu ita halo lei kona ba orsamentu iha artigu ida hatete kona ba projeitu hotu ne’ebe orsamentu laiha mak ita halo iha responsabilidade politiku kriminais ho nune’e mak Governu husu hotu-hotu tenke tuir regras tuir iha juramentu atu kumpri lei no se mak la kumpri nia ba para iha kadeia ne’eba,” esplika PM Taur.

Editora: Agida DOS SANTOS COPPYRIGHT THETIMORNEWS © 2018

LEAVE A REPLY

Please enter your comment!
Please enter your name here