Home dezenvolvimentu TL Tenke Sai Nasaun Riku Forte no Sguru

TL Tenke Sai Nasaun Riku Forte no Sguru

1156
0
SHARE
Primeiru Ministru Taur Matan Ruak iha debate Proposta Orsamentu Jeral 2018 ne'ebe halo iha Parlamentu Nasional. Photo: Media/GPM

By: Hortencio SANCHES

THETIMOR-NEWS.com, DILI – Primeiru Ministru (PM) Taur Matan Ruak hatete, Timor – Leste tenke sai nasaun ne’ebe riku, forte no seguru iha nasaun hotu nia let.

Xefi Governu hato’o lia hirak ne’e liu hosi nia diskursu aberta bainhira diskusaun ba Propostra lei Orsamentu Jeral Estadu (OJE) 2018 iha faze jeneralidade, iha Parlamentu Nasional (PN), Segunda (27/08/2018).

“Vizaun ida ne’ebé hakarak atu transforma Timor-Leste ba País ida ne’ebé Riku, Forte no Seguru, hodi hasai tiha nia husi lista país sira ho rendimentu baixu no transforma fali ba sosiedade ne’ebé ho rendimentu médiu-aas to’o tinan 2030,” dehan PM Taur.

Tanba ne’e, ho aprovasaun OJE 2018 ne’e Timor – Leste sei hakat sai hosi difikuldade no dezafiu hotu ne’ebe iha.

“Ho aprovasaun ba orsamentu ida-ne’e, ita sei hakat-liu difikuldade sira ne’ebé maka kauza husi situasaun negativa ida-ne’e, ne’ebé obriga “atu finansia despeza públika ho saldo ne’ebé resin husi ezekusaun orsamentál tinan fiskál 2017 nian,” dehan Xefi Governu.

Nia dehan, tenke foba Governu kondisaun finanseiru ne’ebe diak hodi realiza vizaun hotu ne’ebe tau ona iha Planu Estatejiku Dezenvolvimentu Nasional (PEDN).

“Ita mós sei fó ba Governu kondisaun finanseira no orsamentál sira ne’ebé presiza atu realiza ita-nia vizaun, ne’ebé reflete iha faze daruak Planu Estratéjiku Dezenvolvimentu Nasionál (PEDN tinan 2016-2020) nian no iha Roteiru ba implementasaun Objetivu sira husi Dezenvolvimentu Sustentavel, ne’ebé ninia esforsu sira hatudu ba dezenvolvimentu infraestrutura sira, rekursus umanus no diversifikasaun ekonomia la’ós-mina-rai nian,” dehan Taur.

Enkuantu, Kona ba aprezentasaun OJE 2018, ema numeru ida iha VIII Governu ne’e esplika, “ami aprezenta proposta kona-ba orsamentu ne’ebé, integra iha ninia artikuladu no reflete iha ninia tabela no aneksu sira, situasaun ida ne’ebé iha kompleksidade espesiál, ne’ebé mak ita fahe ba faze tolu ne’ebé la-hanesan.”

  • Faze dahuluk, relasiona ho períodu tempu husi fulan-janeiru to’o fulan-juñu tinan 2018, iha ne’ebé Governu Konstitusionál VII dahituk ezekuta ona, iha rejime duodesimál, despeza ida ho totál ne’ebé rejista maka dolar amerikanu millaun atus haat rua rihun atus ida USD millaun 402,100.

Presiza atu nota katak Governu anteriór iha estrutura orgánika ida ne’ebé oinseluk, tantu husi Governu VI ne’ebé maka funsiona hanesan baze ba klasifikasaun Orsamentu Jerál Estadu ba tinan 2017 nian, ne’ebé ninia dotasaun sira sai hanesan referénsia hodi determina valór másimu husi dotasaun orsamentál temporáriu mensál nian no oinseluk mós husi estrutura orgánika Governu VIII daualuk nian ne’ebé funsiona hanesan baze ba klasifikasaun orgánika despeza nian”, husi proposta OJE 2018 nian ida daudaun ne’e.

  • Faze daruak, relasiona ho períodu ne’ebé maihusi fulan-jullu no fulan-agostu tinan 2018, ne’ebé Governu Konstitusionál VIII, kontinua asegura ezekusaun despeza públika iha rejime duodesimál, iha ona situasaun krítika tezourária nian ho saldo dolar amerikanu millaun rua-nulu iha loron 10 fulan-agostu, hodi haree ba despeza daudaun ne’e nian ne’ebé labele adia besik dolar amerikanu milaun tolu-nulu kada fulan.

Iha momentu ida-ne’e, ita hatán daudaun ba situasaun ida-ne’e tanba ne’e mak ita tau iha orsamentu osan hamutuk dolar amerikanu millaun atus ida rihun atus haat USD millaun 100,400 ba implementasaun iha faze orsamentál ida-ne’e.

  • Faze datoluk, relasiona ho períodu husi fulan-setembru to’o fulan-dezembru tinan 2018, ho despeza ne’ebé prevee ona to’o tinan fiskál nia rohan, ita tau iha orsamentu osan hamutuk dolar amerikanu millaun atus hitu sanulu-resin-lima rihun atus lima USD 715,500,000.00.

Editora: Agida DOS SANTOS COPPYRIGHT THETIMORNEWS © 2018

LEAVE A REPLY

Please enter your comment!
Please enter your name here