Home dezenvolvimentu OJE 2018 Milliaun $28 Aloka ba ZEEMS

OJE 2018 Milliaun $28 Aloka ba ZEEMS

185
0
SHARE
Primeiru Ministru Taur Matan Ruak iha Diskusaun Proposta Lei Orsamentu Jeral Estadu 2018. Photo: Media/GPM

By: Hortencio SANCHES

THETIMOR-NEWS.com, DILI – Orsamentu Jeral Estadu (OJE) 2018 ne’ebe agora daudaun halo hela diskusaun iha Parlamentu Nasiona (PN) sei aloka milaun $28 ba Zona Espesial Sosial Ekonomika no Merkadu (ZEEMS).

Lia hirak ne’e, hato’o hosi Xefi Governu Taur Maran Ruak, liu hosi nia diskursu aberta bainhira diskusaun ba Propostra lei Orsamentu Jeral Estadu (OJE) 2018 iha faze jeneralidade, iha Parlamentu Nasional (PN), Segunda (27/08/2018).

“Nune’e, prevee mós millaun 28, ne’ebé korresponde ba Autoridade Rejiaun Administrativa Espesiál Oekusi Ambenu no Zona Espesiál Ekonomia Sosiál Merkadu Oekusi Ambenu nian, husi ida-ne’e, millaun 27,076) sei finansia ho adosaun OJE tinan 2018 nian,” dehan PM Taur.

Nia akresenta, despeza sira ne’ebé propoin iha OJE  2018 sei finansia.

Liuhusi Reseita Doméstika sira, hamutuk USD millaun 188,8, Liuhusi Rendimentu Sustentavel Estimadu (RSE): hamutuk USD millaun 550.4), ne’ebé ninia valór totál inklui ona millaun USD 70, Governu Konstitusionál VIII USD millaun 140, ne’ebé estraordinariamente autoriza ba Governu Konstitusionál VIII, husi Parlamentu Nasionál no promulga ona husi Prezidente Repúblika, tuir Lei n. 1/2018, loron 10 fulan-agostu.

  • Liuhusi mós levantamentu ne’ebé boot liu hosi RSE: hamutuk USD millaun 436,8.
  • Liu mós husi Empréstimu husi Instituisaun Internasionál sira hamutuk USD millaun 61.6, ne’ebé korresponde ba kontratasaun empréstimu konsesionál sira hamutuk USD millaun 44 no restu USD millaun 17,6, korresponde ba dezembolsu sira.

Hanesan ita bele haree iha proposta OJE tinan 2018, ita kontinua aposta iha kontensaun despeza (gasta osan ho forma ne’ebé loloos) , tuir trajetória husi orsamentu hirak ikus ne’e.

  • poupansa ida husi USD millaun 107,226, relasiona ho OJE 2017.
  • Poupansa ida hamutuk dolar amerikanu millaun atus neen neennulu-resin tolu (USD -millaun 663), relasiona ho OJE 2016.

“Ita hamenus despeza atu bele buka hetan ekilíbriu entre nesesidade hodi kontinua providensia estímulu públiku sira ba aumentu husi dinámiku ita-nia ekonomia nian (liuliu liuhusi investimentu públiku) no nesesidade atu ajusta gastu sira Estadu nian ba situasaun ekonómika daudaun nian ne’e ne’ebé mak iha efeitu negativu iha nivel evolusaun reseita orsamentál,” dehan PM.

Nia esplika, prinsípiu Ekilíbriu Orsamentál propoin katak “kobransa reseita sira ne’ebé ho montante, pelumenus, ekivalente ba buat ne’ebé hetan hodi prevee ba despeza sira. Ho razaun ida-ne’e no haree ba projesaun sira ne’ebé Governu tau iha matéria evolusaun husi situasaun ekonómika nian, tantu iha planu nasionál no planu internasionál, ami hakarak halo ho rigór, hodi buka relasaun ida ne’ebé ekilíbriu entre kumprimentu ba ami-nia obrigasaun polítika, konstitusionál no legál sira, atu fó beins no servisu públiku sira ba sidadaun sira no kria ambiente favoravel ida hodi intensifika atividade ekonómika, no utilizasaun ita-nia povu nia rekusu finanseiru ho konxiensia no rigor.

 Limite sira ne’ebé define ona ba ezersísiu ne’ebé iha rigór no kuidadu orsamentál nian la prejudika ami-nia kompromisu atu proporsiona atu nafatin serbisu hodi asegura prosperidade no progresiva melloria ba kondisaun moris ita-nia povu nian.

 Xefi Governu hatutan, “obrigasaun legál ka kontratuál ne’ebé kompete ba setór públiku, liuliu kona-ba funsionamentu mákina Estadu nian (hodi garante seguransa, defeza, justisa, edukasaun no saúde ba ita-nia sidaudaun sira), protesaun ba grupu sosiál sira ne’ebé vulneravel liu, investimentu iha esforsu kona-ba kualifikasaun rekursus umanus no kontinuasaun finanseira ba projetu balun ne’ebé, aleinde estratéjiku ba promosaun ita-nia dezenvolvimentu nian, sai nu’udar motivasaun ba setór la’ós petrolíferu ba ita-nia ekonomia”.

“Iha proposta OJE 2018 nian ne’e, ita kontinua mós promove polítika ida kona-ba hamenus transferénsia husi Fundu Mina-Rai nian, liuliu: ho redusaun ida hamutuk USD -millaun 93,2, liga ba OJE 2017 nian, ho redusaun ida hamutuk USD -millaun 689,7, liga ba OJE 2016 nian no ho redusaun USD – millaun 342,7), liga ba OJE 2015 nian,” dehan Xefi Governu.

Finansiamentu ba despeza ne’ebé tau iha proposta OJE 2018  prevee katak transferénsia husi Fundu Mina-Rai sa’e ba USD millaun 984,8, husi ida-ne’e, millaun USD 434,4 konkretiza transferénsia ne’ebé boot liu husi Rendimentu Sustentavel Estimadu (RSE) husi Fundu Mina-Rai nian, ne’ebé ba tinan finanseiru ne’e fiksa iha USD millaun 550,4.

Tuir sa’ida maka hakerek iha alínea d), hosi Artigu da-9 Lei Fundu Mina-Rai nian ne’ebé ninia redasaun maihusi Lei n. 12/2011, loron 28 fulan-setembru: “labele halo, iha kada tinan finanseiru, transferénsia husi Fundu Mina-Rai boot liu Rendimentu Sustentavel Estimadu bainhira Governu la aprezenta uluk, ba Parlamentu Nasionál, justifikasaun kona-ba motivu sira ne’ebé konsidera hanesan interese Timor-leste nian, ba prazu naruk, maka  halo transferénsia iha montante ne’ebé boot liu husi RSE.

Tanba  ne’e, importante atu klarifika kedas ona katak limite másimu ne’ebé propoin atu realiza transferénsia husi Fundu Mina-Rai inklui montante ne’ebé Governu konstitusionál VII nian transfere tiha ona, durante Tinan Finanseiru ida-ne’e, hamutuk USD millaun 70), nune’e mós ho montante dolar amerikanu millaun atus ida haatnulu ne’ebé nia transferénsia foin daudaun ne’e autoriza ona husi Lei n.1/2018, loron 10 fulan-agostu, kuantia ne’ebé atu uza hodi asegura finansiamentu dotasaun orsamentál temporária ne’ebé Governu estabelese to’o OJE 2018 nian hahú vigora no ne’ebé sa’e ba USD millaun 502,5.”

“Medida hirak-ne’e la’o tuir polítika investimentu nian hirak ne’ebé Governu propoin atu hala’o duni no ne’ebé iha relasaun ho konstrusaun infraestrutura esensiál ba ekonomia país nian, ne’ebé sei fó dalan ba hasa’e ekonomia ne’e nian ba prazu naruk,” dehan Taur.

Nia afirma, Governu ida-ne’e la subar ninia ambisaun objetivu atu fila-fali ba dalan kreximentu husi ita-nia ekonomia, ne’ebé hetan interrupsaun, hodi atinje fila-fali kreximentu anuál ida hamutuk 7% kada tinan, hahú kedas ona husi tinan finanseiru oinmai ne’e. Ita hatene katak buat hotu la’ós depende de’it ba Governu, maibé ami hakarak atu afirma fila-fali ba ilustre Repzentante ita-nia povu nian sira katak Ezekutivu ida-ne’e sei halo buat hotu atu ita-nia ekonomia krexe fila-fali no katak kreximentu ida-ne’e hatuur iha baze estabilidade, konfiansa no produtividade nian hirak ne’ebé metin.

Hein katak saldu husi Fundu ne’e bele to’o dolar amerikanu  billaun sanulu-resin-neen, atus haat sanulu-resin-ida, rihun atus sia (USD millaun 16,411,9), bainhira orsamentu ida-ne’e implementa hotu ona.

Nune’e sei vale nafatin, projesaun sira ne’ebé prevee posibilidade atu kontinua foti fundu sira ne’ebé boot liu husi Rendimentu Sustentavel Estimadu (RSE), hanesan ho ida ne’ebé maka prevee ona ba tinan ida-ne’e, ba investimentu interese Timor-leste nian, hodi mantein iha 2021 balansu ida iha Fundu Mina-Rai nian boot liu husi dolar amerikanu billaun sanulu-resin-rua (USD millaun  12,000), tuir ida ne’ebé maka defende ona durante debate kona-ba aprovasaun ba OJE tinan 2017 nian.

“Iha matéria Reseita Mina-rai nian, ita prevee hatama osan hamutuk dolár amerikanu millaun atus lima sianulu-resin-sia rihun atus sia (USD millaun 599,9), ne’ebé maka reprezenta redusaun hamutuk, dolár amerikanu millaun atus lima neen rihun atus lima (USD millaun 506,9), kona-ba OJE 2017 nian no dolár amerikanu millaun atus sia sianulu-resin-tolu rihun atus hitu (USD millaun -993,7), kona-ba OJE 2016 nian,” dehan nia.

Enkuantu, redusaun reseita nian ida-ne’e, kontribui signifikativamente redusaun husi reseita tama osan nu’udar, osan-funan husi Fundu Mina-Rai nian, ho redusaun ida hamutuk USD millaun -560,2, Impostu kona-ba Lukru Mina-Rai nian, ho redusaun ida hamutuk USD millaun -48, Impostu kona-ba Lukru Adisionál sira, ho redusaun ida hamutuk USD millaun -43,5.

Redusaun reseita mina-rai nian ne’e diminui ho kreximentu husi reseita ne’ebé maka hatama husi Impostu husi Tasi Timor: ne’ebé maka iha kreximentu ida hamutuk USD millaun +13,6, Impostu kona-ba Rendimentu ho kreximentu ida hamutuk USD millaun +103,2 no Impostu sira seluk no Taxa Mina-Rai  ho kreximentu ida hamutuk USD millaun +28,5.

“Iha matéria Reseita sira La’ós Mina-rai nian ne’ebé inklui dolar amerikanu millaun lima rihun atus neen (USD millaun 5,6) husi servisu autónoma sira no servisu RAEOA nian, ne’ebé maka temi ona iha leten hanesan Reseita Doméstika sira, ita prevee bele hatama osan hamutuk dolar amerikanu millaun atus ida ualunulu-resin-ualu rihun atus ualu (USD millaun 188,8) ne’ebé reprezenta, Kreximentu ida hamutuk dolar amerikanu millaun ruanulu resin-lima rihun atus-sia (USD +millaun 25,9) kompara ho OJE tinan 2016 nian maybe Redusaun ida hamutuk dolar amerikanu millaun sanulu-resin-hitu rihun atus haa (USD -millaun 17,4), kompara ho OJE tinan 2017 nian Kontribui ba redusaun reseita doméstika sira, previzaun kona-ba osan ne’ebé hatama husi, Impostu Indiretu sira ho redusaun ida hamutuk dolar amerikanu millaun ualu rihun atus lima (USD -millaun 8,5),” dehan Taur.

Alende ne’e, Impostu Diretu sira, ho redusaun ida hamutuk USD -millaun 4,7 Impostu sira iha ZEESM ho redusaun ida hamutuk USD -millaun 2,7.

“Redusaun husi reseita doméstika sira sei hamenus uitoan de’it ho aumentu husi reseita sira ne’ebé hetan ho osan-funan sira husi Konta Tezouru nian, ho aumentu ida hamutuk dolar amerikanu rihun atus-lima (USD +millaun0,5) no Taxa no Enkargu sira seluk, ho aumentu ida hamutuk dolar amerikanu rihun atus-rua (US$ +millaun 0,2),” nia esplika.

Editora: Agida DOS SANTOS COPPYRIGHT THETIMORNEWS © 2018

LEAVE A REPLY

Please enter your comment!
Please enter your name here