Home dezenvolvimentu MF-MSS Diskuti Rezimi Kontributivu ho Xefi Governu

MF-MSS Diskuti Rezimi Kontributivu ho Xefi Governu

369
0
SHARE
Vise Ministra Finansas Sara Brites Lobo. Photo: Spesial

By: Hortencio SANCHES

THETIMOR-NEWS.com, DILI – Ministeriu Finansas liu hosi (MF) Vise Ministra Sara Brites Lobo hamutuk ho Ministra Solidaridade Sosial (MSS) Armanda Berta hasoru malu ho Xefi Governu Taur Matan Ruak hodi diskuti klean kona ba rezimi kontributivu ne’ebe lei aprova ona maibe laiha implementasaun.

Governante ne’e esplika, implementasaun ba lei ne’e seidauk iha tanba durante tinan ida Governu lao deit ho rezimi dua desimu. Tanba ne’e ba oin Orsamentu Jeral Estadu (OJE) 2018 aprova bele implementa lei refere.

“Inkontru ho Primeiru Ministru ne’e para atu hare oinsa iha orsamentu agora bele resolve tiha ida ne’e, tanba setor privadu mos kontribui hela maibe parte Governu mak seidauk implementa 100% tanba situasaun duadesimu,” dehan Sara ba Jornalista hafoin remata Sorumutu ho Primeiru Ministru (PM) Taur Matan Ruak iha Palacio do Governo, Sesta (24/08/2018).

Entretantu, montante konaba rezimi kontribuitivu 6% hosi impregador no 4% hosi empregadus maibe to agora parte Governu sei diskuti klean nunee’ebe bele lori ba halo proposta alterasaun iha Parlamentu Nasional (PN).

“Nia implementasaun bainhira Orsamentu aprova ona,” dehan Sara.

 Editóra: Agida DOS SANTOS I COPYRIGHT THETIMORNEWS © 2018

LEAVE A REPLY

Please enter your comment!
Please enter your name here