Home nasional DPJ Foun Promete Sei Haforsa Setor Justisa

DPJ Foun Promete Sei Haforsa Setor Justisa

991
0
SHARE
Defensoria Publiku Jeral. Dr Cancio Xavier. Photo: media/ GPM

By: Hortencio SANCHES

THETIMOR-NEWS.com, DILI – Cancio Xavier hetan fiar hosi Governu hodi assume pasta hanesan Defensoria Publiku Jeral (DPJ) hodi troka Sersio Orna ne’ebe mandatu remata ona.

Defensoria Publiku Jeral Dr. Cancio Xavier kaer liman ho Primeiru Ministru Taur Matan Ruak hafoin remata posse. Photo: media/GPM

Hafoin simu posse hosi Primeiru Ministru Taur Matan Ruak, Cancio Promete prontu halao knar tomak ho diak nune’e bele haforsa no hadia diak liu tan kualidade iha area Justisa.

Nia dehan atu reforsa Justisa, tenke reforsa iha area oi-oin hanesan infransatrutura tenke diak nune’e bele fo espasu ba profesionais justisa hotu bele servisu no assegura buat hotu hanesan dokumentus importante sira.

“Koalia kona ba infrastrutura, hakarak halo kuadrus pessoal hanesan promove profesionais sira atu halo servisu ida ne’ebe mak diak, Defensoria Publiku ne’e presiza liu iha rekursu umanus nune’e bele fo servisu assistensia juridika ba to povu sira ne’ebe dok hosi tribunais,” dehan Cancio ba Jornalista iha Palacio do Governo Dili, Sesta (24/08/2018).

Nia esplika, Defensoria Publiku mosu atu fo assistensia espesial ba ema hotu no liu-liu komunidade hirak ne’ebe hela iha area rural no dok hosi Tribunal ne’ebe laiha kbit.

“Defensoria Publiku mosu ne’e atu fo assistensia Juridika no extra Juridika ba ita nia povu hirak ne’ebe laiha kbit hodi selu advogadu privadu,” dehan Cancio.

Tanba ne’e, nia fiar VIII Governu ne’ebe lidera hosi Primeiru Ministru Taur Matan Ruak kontinua fo apoiu ba servisu Defensoria Publiku, ne’ebe nudar pilar importante ida iha area Justisa.

“Defensoria Publiku nafatin fo assistensia ba kualker ema hotu ne’ebe hakarak tulun hosi ami,” dehan nia.

 Editóra: Agida DOS SANTOS I COPYRIGHT THETIMORNEWS © 2018

LEAVE A REPLY

Please enter your comment!
Please enter your name here