Home dezenvolvimentu Alkatiri: Hau Lori Dezenvolvimentu ba Oecusse Laos ba Naok Sira Nia Sasan

Alkatiri: Hau Lori Dezenvolvimentu ba Oecusse Laos ba Naok Sira Nia Sasan

7479
0
SHARE
Sekretariu Jeral FRETILIN Mari Alkatiri. Photo: TTN/Hortencio Sanches

By: Hortencio SANCHES

THETIMOR-NEWS.com, DILI – Eis Primeiru Ministru (PM) aktual Prezidente Autoridade Zona Espesial Ekonomika Sosial no Merkadu (ZEEMS) Mari Alkatiri hatete, sei la rejigna an hosi ZEEMS tanba nia lori dezenvolvimentu ba povu tomak iha ne’eba.

Alkatiri hato’o lia hirak ne’e hodi hatan ba deklarasaun ne’ebe veteranus balun hosi Oe-Cuse halo hasoru nia no husu husu atu rejigna an hosi kargu Prezidente Reziaun Administrativa Espesial Oecusse Ambeno (RAEOA).

Nune’e, nia dehan ema ne’ebe husu nia atu rejigna an ne’e maioria laos veteranus no nia konsidera veteranus falsu.

“Hau atu husu deit sira veteranus mai hosi ne’ebe nian, hau la demiti an hosi ne’eba sira atu halo saida ba hau, sira primeiru laos veteranus, veteranus falsu tuir fali razaun saida mak sira husu para hau atu demiti an hosi ne’eba hatete razaun mai, hau naok sira nia buat ruma hau lori dezenvolvimentu ba sira nia rai,” dehan Alkatiri hafoin sai orador ba seminar Tasi nian ne’ebe halo iha Salaun Ministeriu Finansas Dili, Sesta (17/08/2018).

Nia afirma, laiha komunidade Oe-Cuse sai vitima ba ZEEMS no tanba politiku ne’ebe loriu osan sukit mak halo komunidade sira halo deklarasaun hirak ne’ebe foin lalais fo sai.

Iha parte seluk, Governu da-Ulu ne’ebe lidera hosi Primeiru Ministru Taur Matan Ruak koloka ona OJE 2018 ba ZEEMS maibe to agora Prezidente ZEEMS rasik seidauk hatene. Tanba ne’e nia dehan sei la halo ismola ba Governu no Governu hakarak prosesu iha ne’eba lao bele maibe hakarak taka mos bele.

“Hau lakoi husu ismola ba Governu, Governu hakarak prosesu lao-lao se hakarak taka-taka ida ne’e mak hau lakoi husu,” dehan lider fundador RDTL ne’e.

Editóra: Agida DOS SANTOS I COPYRIGHT THETIMORNEWS © 2018

LEAVE A REPLY

Please enter your comment!
Please enter your name here